بەرلۋسكوني ەۋروپارلامەنت سايلاۋىنا قاتىسپاق

يتاليانىڭ بۇرىنعى پرەمەر-ءمينيسترى سيلۆيو بەرلۋسكوني 2019 جىلى وتەتىن ەۋروپارلامەنت سايلاۋىنا قاتىساتىندىعىن مالىمدەدى.

«ءوزىمنىڭ قارتايعان جاسىما قاراماستان ەۋروپارلامەنتكە بارىپ، ۇلكەن جاۋاپكەرشىلىكتى ءوز موينىما الۋ تۋرالى شەشىم قابىلدادىم. سەبەبى، ءدال قازىر وندا الەم تۋرالى تەرەڭ ويلاۋ جەتىسپەيدى». مۇنداي كۇتپەگەن شەشىمدى 82 جاستاعى ساياساتكەر ساردينيا ارالىنداعى كۋارۋتۋ جيىنىندا اشىق ايتتى.

سول سەكىلدى ەكس-پرەمەر يتاليانىڭ قازىرگى بيلىگىنە سىن ايتىپ، ورىندارىن اۋىستىرۋ قاجەت ەكەندىگىن دە جەتكىزدى.

«العا، يتاليا» پارتياسىن باسقارعان بەرلۋسكوني «5 جۇلدىزدى قوزعالىس» وكىلدەرى 1994 جىلعى كوممۋنيستەر سەكىلدى جۇمىس اتقارىپ وتىرعاندىعىن تىلگە تيەك ەتكەن.

ەستەرىڭىزگە سالا كەتەيىك، ۇزاق جىلدان بەرى ساياسي لاۋازىمداردا قىزمەت جاساعان سيلۆيو بەرلۋسكوني 2013 جىلى ءوزىنىڭ قارجى جىمقىرۋ وقيعالارىنا قاتىسى بار ەكەندىگىن مويىنداعان. ەۋروپا سوتى اتالعان ازاماتتى 2019 جىلعا دەيىن ءتۇرلى سايلاۋلارعا قاتىسۋ ەركىنەن ايىرىپ، كوپشىلىك لاۋازىمداردا وتىرۋىنا تىيىم سالعان بولاتىن.

"The Qazaq Times"