ازىمبەك بەكنازاروۆ. فوتو: Sputnik كىرگىزستان

قىرعىزستاندىق بەلسەندىلەر ورىس ءتىلىن الىپ تاستاۋدى ۇسىندى.

بىشكەك قالاسىندا وتكەن دوڭگەلەك ۇستەلدە ەكس-باس پروكۋرور ازىمبەك بەكنازاروۆ باستاعان بەلسەندىلەر كۇزدە كونستيتۋتسيانى وزگەرتۋگە بايلانىستى رەفەرەندۋم وتكىزەتىندىكتەرىن مالىمدەدى. بەكنازاروۆتىڭ سوزىنشە، قازىرگى پارلامەنت پرەزيدەنتتىڭ ايتقانىن عانا ورىندايدى. سەبەبى جوعارى كەڭەس تولىقتاي پارتيالىق ءتىزىم بويىنشا جاساقتالعان.

باستاماشىل توپ بۇل ماسەلەنىڭ شەشىمى رەتىندە ءوز نۇسقالارىن ۇسىنۋدا. ولاردىڭ ۇسىنىسى بويىنشا، قىرعىزستان تولىقتاي پارلامەنتتىك باسقارۋ جۇيەسىنە كوشۋى ءتيىس جانە زاڭ شىعارىلعاندا ورىس تىلىنە اۋدارىلماۋى كەرەك. ول ءۇشىن ورىس تىلىنە بەرىلگەن «رەسمي ءتىل» مارتەبەسىن الىپ تاستاۋ قاجەت.

بەلسەندىلەر كۇزدە حالىقتىق رەفەرەندۋم وتكىزۋ ءۇشىن 10 مىڭ قول جيناماق. بەكنازاروۆتىڭ ايتۋىنشا، بۇل تەك ۇسىنىس قانا. ال ونى قابىلداۋ، قابىلداماۋ حالىقتىڭ تاڭداۋىنداعى دۇنيە.

"The Qazaq Times"