بجزق قارجىسى «قازاگرو» حولدينگىنە بەرىلدى.
ۇلتتىق بانك ءباسپاسوز قىزمەتى تاراتقان مالىمەت بويىنشا، بىرىڭعاي جيناقتاۋشى زەينەتاقى قورىنىڭ 450 ميلليارد تەڭگە قارجىسى «قازاگرو» حولدينگىنە ينۆەستيتسيا رەتىندە سالىنعان.
«قازاگرو» مەملەكەتتىڭ يندۋستريالدى دامۋ جوباسى اياسىندا اۋىلشارۋاشىلىعى ونەركاسىپتەرىن دامىتۋ باعىتى بويىنشا جۇمىس ىستەپ جاتقان نەگىزگى ينستيتۋت. «قازاگرونىڭ» نەگىزگى اكتسيونەرى اۋىلشارۋاشىلىعى مينيسترلىگى. حولدينگ حالىقارالىق رەيتينگتىك اگەنتتىكتەردەن جوعارى باعا العان جانە قۇندى قاعازدار نارىعىندا سەنىمدى قارىز الۋشىلار قاتارىندا. «Fitch Ratings» اگەنتتىگىنىڭ شكالاسى بويىنشا، «قازاگرو» ۇزاق مەرزىمگە نەسيە الۋ رەيتينگىندە «ۆۆۆ-» ساتىسىندا. 2018 جىلدىڭ 1 قازان ايىنداعى ەسەپ بويىنشا، حولدينگتىڭ جەكە قارجى اكتيۆتەرى 244,9 ميلليارد تەڭگەگە تەڭ» - دەلىنگەن ۇلتتىق بانك تاراتقان مالىمدەمەدە.
ەستەرىڭىزگە سالايىق، 2014 جىلدىڭ قازان ايىندا بىرىڭعاي جيناقتاۋشى زاينەتاقى قورىنىڭ 250ميلليون دوللار قارجىسى ءازىربايجان حالىقارالىق بانكىنە ينۆەستيتسيا رەتىندە سالىنعان. كەيىننەن اتالمىش بانك ءوزىنىڭ بانكروت ەكەندىگىن مالىمدەپ، 2017 جىلدىڭ مامىر ايىنىڭ 11-ءى كۇنى نيۋ-يورك سوتىنا وزدەرىن بانكروت دەپ تانۋدى سۇراپ ءوتىنىش جىبەرگەن. وسىدان كەيىن باق بەتتەرىندە «بجزق قارجىسىن ەلگە كىم قايتارادى؟» - دەگەن سۇراق قىزۋ تالقىلانعان. اقىر سوڭىندا ءازىربايجان تاراپى بجزق قارجىسىن 2032 جىلعا دەيىن قايتاراتىنىن مالىمدەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى