ابدەل ءازيز بۋتەفليك فوتو: Associated Press

الجير پرەزيدەنتى ابدەل ءازيز بۋتەفليك سىرقاتىنا بايلانىستى ساۋد ارابيا تاق مۇراگەرى مۇحاممەد بين سالمانمەن كەزدەسە المادى. بۇل تۋرالى الجير باسشىسىنىڭ ءباسپاسوز قىزمەتى حابارلادى.

مۇحاممەد بين سالمان وتكەن تۇندە ەكى كۇندىك ساپارمەن الجير مەملەكەتىنە كەلگەن بولاتىن.  حۋاري بۋمەدەن حالىقارالىق اۋەجايىنان تۇسكەن تاق مۇراگەرىن ۇكىمەت-ءمينيسترى احمەت ۋياحيا جانە بيلىكتە وتىرعان بىرنەشە شەنەۋنىك قارسى الدى.

تانىمال ساۋديالىق جۋرناليست جامال حاشوگگيدىڭ ولىمىنەن كەيىن العاش رەت شەت ەلگە تۋرنەگە شىققان مۇحاممەد بين سالمان بۇعان دەيىن تۋنيس، بىرىككەن اراب امىرلىگى،  باحرەين، ەگيپەت، ماۆريتانيا ەلىنە ساپارلاي بارعان ەدى. بىراق، تۋنيس ەلىنىڭ حالقى مەن وپپوزيتسيا وكىلدەرى حانزادانى قۇشاق اشا قارسى الا قويمادى.  تىپتى قولدارىنا ءتۇرلى پلاكاتتار الىپ كوشەگە دە شىققان بولاتىن. وسى وقيعادان كەيىن الجير ەلى دە تاق مۇراگەردىڭ ساپارلاي كەلۋ جوسپارىنان باس تارتقان ەدى.  الايدا، ارادا ءبىراز ۋاقىت وتكەننەن سوڭ تاق مۇراگەرى الجير مەملەكەتىنە جوسپارلاعان ساياحاتىن ورىنداي ءبىلدى.

قازىرگى تاڭدا الجير ەلى ساۋد ارابيا باسشىسىنىڭ كەلۋىمەن ىنتىماقتاستىقتى ارتتىرامىز دەپ مالىمدەپ وتىر.

ەستەرىڭىزگە سالا كەتەيىك، قازان ايىندا ستامبۋلداعى ساۋد ارابيا كونسۋلدىعىنا كىرگەننەن كەيىن جوعالعان جامال حاشوگگيدىڭ ءولى دەنەسى بىرنەشە كۇننەن كەيىن بولشەكتەلىپ تابىلعان بولادى. Washington post باسىلىمىمەن ەتەنە جۇمىستار جۇرگىزگەن ءجۋرناليستتىڭ ولىمىنە قاتىسى بار دەگەن كۇدىكپەن 18 ادام قاماۋعا الىندى. سونداي-اق، بۇل ىسكە تاق مۇراگەرىنىڭ تىكەلەي تاپسىرما بەرگەندىگى انىقتالۋ ۇستىندە.

“The Qazaq Times”