فوتو: كاپيتال.كز

باقىتجان ساعىنتاەۆ ۆيتسە- ۇلتتىق ەكونوميكا مينيسترىنە سوگىس جاريالادى.

بۇگىن استانا قالاسىندا وتكەن ۇكىمەت وتىرىسىندا پرەمەر-مينيستر باقىتجان ساعىنتاەۆ ۇلتتىق ەكونوميكا ۆيتسە-ءمينيسترى سەرىك جۇمانعارينگە مونوپوليستەردىڭ زاڭ اياسىندا جۇمىس ىستەمەۋىنە بايلانىستى سوگىس جاريالادى.

«ەكى اپتادان كەيىن بۇل ماسەلەنى وسى جەردە قارايتىن بولامىز. بۇل جۇمىس پروكۋراتۋرامەن بىرلەسىپ جۇزەگە اسۋى ءتيىس. ۇلتتىق ەكونوميكا مينيسترلىگى بيۋدجەتتەن مونوپوليستەرگە سۋبسيديا رەتىندە بولىنگەن قاراجاتتىڭ قايدا جانە قالاي جۇمسالعاندىعىنا ەسەپ بەرۋى كەرەك. مونوپولياعا قارسى اگەنتتىك جۇمىسىن رەتتەۋگە بايلانىستى مينيسترلىك باستاماسىن تولىقتاي قولدايمىن. مەنىڭ جارلىعىم بويىنشا، وسى جۇمىستىڭ باسى-قاسىندا جۇرگەن ۇلتتىق ەكونوميكا ۆيتسە-ءمينيسترى سەرىك جۇمانعارينگە سوگىس جاريالاندى» - دەپ مالىمدەدى ساعىنتاەۆ.

بۇعان دەيىن 7 قاراشا كۇنى وتكەن قاۋىپسىزدىك كەڭەسىنىڭ كەزەكتى وتىرىسىندا پرەزيدەنت نۇرسۇلتان نازارباەۆ تۇرعىن ءۇي-كوممۋنالدى قىزمەت تۇرلەرى باعاسىنىڭ شامادان تىس قىمبات ەكەندىگىن ايتىپ، باعانى سەبەپسىز قىمباتتاتقان مونوپوليستەردى جازالايتىندىعىن مالىمدەگەن.

ايتا كەتەتىن ءبىر جايىت، وسىدان ءبىر جىل بۇرىن نۇرسۇلتان نازارباەۆتىڭ ۇسىنىسى بويىنشا كوممۋنالدى قىزمەت تاريفتەرى قىمباتتاعان.

"The Qazaq Times"