ماسكەۋ مەن پەتەربۋرگتە وتكەن ساياسي تۇتقىنداردى قورعاۋ اكتسياسى كەزىندە 60-قا جۋىق ادام ۇستالدى.

اكتسيا «ءبىزدىڭ جانە ءسىزدىڭ بالالارىڭىز ءۇشىن» دەگەن ۇرانمەن وتكەن. ونى «نوۆوە ۆەليچيا» جانە «سەتي» ىستەرى بويىنشا ۇستالعانداردىڭ اتا-انالارى ۇيىمداستىرعان. «وۆد ينفو» سايتىنىڭ حابارلاۋىنشا، ماسكەۋدە فەدەرالدى قاۋىپسىزدىك قىزمەتى عيماراتى الدىنا 500 ادام جينالعان. قالا بيلىگى ميتينگ وتكىزۋگە رۇقسات بەرمەگەن. سول ءۇشىن باستاماشىل توپ لۋبيانسك الاڭى الدىنا پلاكاتسىز شىعۋدى ۇسىنعان. اكتسياعا «SERB» ۇيىمىنىڭ مۇشەلەرى كەلىپ، كەدەرگى كەلتىرگەن. ماسكەۋدە 18 ادام ۇستالعان.

سانكت-پەتەربۋرگتە دە بيلىك ميتينگ وتكىزۋگە رۇقسات بەرمەگەن. جەرگىلىكتى باق وكىلدەرىنىڭ مالىمەتىنشە، پوليتسيا 40 ادامدى ۇستاعان. ونىڭ ىشىندە 12 جاستاعى قىزدا بار.

نوۆوسيبيرسكىدە جەكسەنبى كۇنى جالعىز ادامدىق پيكەتتەر وتكەن. "سيبير.رەالي" سايتىنىڭ "سەتي" ءىسى بويىنشا ۇستالعان ارمان ساعىنباەۆتىڭ اناسى جالعىز پيكەتكە شىققان. پوليتسيا ونى ۇستاماعان.

«نوۆوە ۆەليچيا» جانە «سەتي» ىستەرىنىڭ فيگۋرانتتارىن قورعاعان ميتينگ پەنزا شاھارىندا دا وتكەن. ۇيىمداستىرۋشىلاردىڭ اقپاراتىنا قاراعاندا، اكتسيا بارىسىندا ەشكىم ۇستالماعان. وسىنداي پيكەتتەر ۆورونەج، يركۋتسك جانە نيجني نوۆگورود قالالارىندا دا وتكەن. حەلسينكيدە بەلسەندىلەر رەسەي ەلشىلىگى الدىندا پيكەتكە شىققان.

"The Qazaq Times"