«ءبىر كەم دۇنيە...»: باقۇل بول، شەر-اعا!

بۇگىن قايمانا قازاقتىڭ قامى ءۇشىن قالامىمەن قاتار قايسار مىنەزىمەن اقتىق دەمى قالعانشا قىزمەت ەتكەن حالىق جازۋشىسى شەراعاڭ – شەرحان مۇرتازا باقيلىق بولدى.

شەرحان مۇرتازا 1932 جىلى جامبىل وبلىسى، جۋالى اۋدانى، تالاپتى اۋىلىندا دۇنيەگە كەلگەن. «قۇرمەت بەلگىسى»، «وتان» وردەندەرىمەن ماراپاتتالعان. قازكسر مەملەكەتتىك سىيلىعىنىڭ، «تارلان» تاۋەلسىز سىيلىعىنىڭ لاۋرەاتى. قازكسر مادەنيەتىنىڭ ەڭبەك سىڭىرگەن قىزمەتكەرى. قازاقستاننىڭ حالىق جازۋشىسى جانە قىرعىز رەسپۋبليكاسىنىڭ حالىق اقىنى.

ول «لەنينشىل جاس»، «سوتسياليستىك قازاقستان» گازەتتەرىندە ءتىلشى، ادەبي قىزمەتكەر، رەداكتور، «جازۋشى» باسپاسى جانىنداعى بالالار مەن جاستار ادەبيەتى باس رەداكتسياسىنىڭ جانە «جالىن» الماناحىنىڭ باس رەداكتورى، قازاقستان جازۋشىلار وداعى باسقارماسىنىڭ 2-حاتشىسى، «جۇلدىز» جۋرنالى، «قازاق ادەبيەتى»، «ەگەمەن قازاقستان» گازەتتەرىنىڭ باس رەداكتورى قىزمەتتەرىن اتقارعان.

كۇللى قازاق جۇرتىنا قايعىرا كوڭىل ايتامىز. جانىڭىز ءجانناتتا، توپىراعىڭىز تورقا بولسىن! ابىز-اتا – شەر-اعا...

"The Qazaq Times"