فوتو: اۋعانستان پرەمەر-ءمينيسترى

اۋعان ۇكىمەتى «تاليبان» قوزعالىسىمەن بەيبىت كەلىسسوز جاساسۋعا نيەتتى. بۇل تۋرالى اۋعانستاننىڭ پرەمەر-ءمينيسترى ابدۋللا ابدۋللا بۇۇ باس اسسامبلەياسىنىڭ 73-سەسسياسىندا مالىمدەدى.

ونىڭ سوزىنشە، اۋعانستان ۇكىمەتى تەرروريزمدى ءتۇپ-تامىرىمەن قۇرتۋعا باعىتتالعان بارلىق جۇمىستاردى قولعا الا وتىرىپ، تەررورلىق ۇيىمدارمەن كۇرەستى جالعاستىرۋدا. پرەمەر-مينيستر سونىمەن قاتار كەيبىر ەلدەردىڭ تەررورلىق توپتاردى وزدەرىنىڭ مۇددەلەرىنە قارسى قولدانىپ جۇرگەنىن دە اتاپ ءوتتى.

«ۇكىمەت «تاليبان» قوزعالىسىمەن بەيبىت كەلىسسوزدەر جاساۋعا نيەتتى. ەگەر، قوزعالىس مۇشەلەرى بەيبىت كەلىسىم جونىندەگى ۇسىنىستاردى قولدايتىن بولسا، اۋعانستان ازاماتتارىنىڭ بارلىق قۇقىقتارىن پايدالانا الادى»، - دەپ ايتقان پرەمەر-مينيستر تەررورلىق ۇيىمدارعا تيەسىلى لاگەردىڭ بارلىعى ولاردىڭ ورنالاسۋ ورىندارىنا قاراماستان، جابىق بولۋى ءتيىس ەكەنىن دە تىلگە تيەك ەتتى. «قازىرگى تاڭدا اۋعانستان قۋاڭشىلىق، كوشى-قون جانە تەرروريزم  سەكىلدى ماسەلەلەرمەن كۇرەسۋدە. كابۋل وزگە ەلدەر دە وسى كۇرەسكە قولداۋ كورسەتەدى دەپ ۇمىتتەنەدى»، - دەدى ول.

“The Qazaq Times”