الماتىدا اۋىر سىرقاتتان مۇحتار جاكىشەۆتىڭ اناسى رايسا نۇرعاليقىزى قايتىس بولدى.
مۇحتار جاكىشەۆتىڭ ادۆوكاتى نۇرلان بەيسەكەەۆتىڭ سوزىنشە، رايسا نۇرعاليقىزى قىركۇيەكتىڭ 18-ءى كۇنى تاڭەرتەڭ قايتىس بولعان. مۇحتار جاكىشەۆ وتىرعان تۇزەتۋ مەكەمەسىنىڭ قىزمەتكەرلەرىنە قايعىلى حاباردى جەتكىزۋ تۋرالى ءوتىنىش جىبەرىلگەن.
17 قىركۇيەك كۇنى ادۆوكاتتىڭ جاكىشەۆكە اۋىر ناۋقاستانىپ جاتقان اناسىنا بارۋىنا بايلانىستى سۇراعان ءوتىنىشى قاناعاتتاندىرىلماعان. بىراق قايعىلى وقيعادان كەيىن بەيسەكەەۆ كولونيا باسشىلىعىنا جاكىشەۆتى اناسىنىڭ جەرلەۋ راسىمىنە قاتىسۋعا رۇقسات بەرۋدى سۇراپ قايتادان ءوتىنىش بىلدىرمەك.
80 جاسىندا ومىردەن وزعان رايسا نۇرعاليقىزى كوزى ءتىرى كەزىندە پرەزيدەنت نۇرسۇلتان نازارباەۆقا ۇلى مۇحتار جاكىشەۆتىڭ ناۋقاس ەكەندىگىن ايتىپ، راقىمشىلىق جاساپ، ءتىرى كەزىندە بوستاندىققا شىعارۋىن سۇراپ ەكى رەت حات جازعان. بىراق ءوتىنىش حاتىنا وسى ۋاقىتقا دەيىن قارالماعان.
قازاتومپروم كومپانياسىنىڭ ەكس-باسشىسى مۇحتار جاكىشەۆ 2009 جىلى سىبايلاس جەمقورلىقپەن اينالىستى دەگەن ايىپپەن ۇستالىپ، كەيىننەن 14 جىلعا سوتتالعان. قازىرگى ۋاقىتتا جازاسىن سەمەي قالاسىنداعى قاتاڭ رەجيمدەگى كولونيادا وتەۋدە.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى