جاپونيا تۇرعىندارى زەينەتكە 70 جاستا شىعۋلارى مۇمكىن

حالقىنىڭ ءومىر جاسىنىڭ ۇزاقتىعى جاعىنان الەمدەگى باستى ەلدەردىڭ ءبىرى رەتىندە تانىلعان جاپونيا زەينەتكە شىعۋ مەرزىمىنە قاتىستى رەفورما جاساۋى مۇمكىن. ەلدىڭ پرەمەر-ءمينيسترى سيندزو ابە جاپونيالىقتارعا زەينەتكە 70 جاستا شىعۋدى ۇسىنۋدا. ەسەسىنە، ولاردىڭ جالاقىلارى كوتەرىلمەك. بۇل تۋرالى بي-بي-سي اگەنتتىگىنىڭ فرانتسۋز قىزمەتى حابارلايدى.

دامىعان ەلدەردىڭ كوپشىلىگى زەينەت مەرزىمىن 65 جاسقا دەيىن ۇزارتۋدى كوزدەسە، جاپون بيلىگىنىڭ ولاردان وسى مەرزىمدى 70 جاسقا دەىن ۇزارتۋمەن ەرەكشەلەنگىسى كەلەدى. سيندزو ابە ۇكىمەتتى التى جىلدان بەرى باسقارىپ كەلەدى.

قازىرگى تاڭدا ەل تۇرعىندارى 60 پەن 70 جاس ارالىعىندا، كەز كەلگەن ۋاقىتتا شىعۋعا قۇقىلى. الايدا، ولارعا كوبىنەسە 65 جاستان سوڭ شىعۋ پايدالىراق. ال، جۇمىسشىلارى ومىرلەرىنىڭ سوڭىنا دەيىن جۇمىس ىستەيتىن ءىرى كورپوراتسيالاردا ولاردىڭ زەينەتتىك دەمالىسقا نەگىزىنەن 60 جاستان كەيىن كەتۋلەرىن كۇتەدى.

ەندى، زەينەت جاسىن 70 ەتىپ ناقتى بەكىتۋدى كوزدەگەن ۇكىمەت بۇنى 2020 جىلعا دەيىن جۇزەگە اسىرۋدى كوزدەيدى. قازىرگى ۋكاقىتتا دامىعان ەلدەردىڭ كوپشىلىگى وسى ماسەلەمەن بەتپە-بەت كەلىپ، زەينەت جاسىن اقىرىنداپ 65 جاستان 70 جاسقا دەيىن ۇزارتۋدا. دەگەنمەن، دامىعان ەلدەردە قارتايۋ پروتسەسى جەدەلدەگەنمەن، حالىق سانىنىڭ ازايۋى بايقالۋدا. ماسەلەن، جاپونيادا سوڭعى ونجىلدىقتا ەل تۇرعىندارى 1,3 ميلن-عا ازايعان.

“The Qazaq Times”