«بۇگىن تاڭەرتەڭ 1980 جىلدارداعى ەڭ تانىمال تەرروريستەردىڭ ءبىرى، اۋعانستان سوعىسىنىڭ كومانديرى دجاللالۋددين حاككاني قكوز جۇمدى»، - دەپ اۋعانستاندىق تالىبتەردىڭ رەسمي مالىمدەمەسىنە سىلتەمە جاساپ «Agence France-Presse» حابارلايدى.
اتالعان اگەنتتىكتىڭ حابارلاۋىنشا، حاككاني ۇزاق ۋاقىتقا سوزىلعان ناۋقاسىنان كوز جۇمعان. ول اقش پەن پاكيستاننان كومەك الىپ، كەڭەس وداعىنا قارسى كۇرەسىپ، اۋعان سوعىسىنداعى ليدەرلەردىڭ ءبىرى بولعان. ال، 2001 جىلى «حاككاني جەلىسىنىڭ» باسشىسى ءوزىنىڭ بۇرىنعى وداقتاستارى ناتو مەن سشا-عا قارسى كۇرەس اشا باستاعان.
«Sputnik» باسىلىمىنىڭ مالىمەتىنشە، اۋعان سوعىسى كەزىندە ول ورتالىق بارلاۋ باسقارماسىنىڭ نازارىن اۋدارعان. اۋعانستانداعى سوعىستان كەيىن حاككاني ءوزىنىڭ اتىمەن جيھادشىلارمەن، ءتىپتى «ءال-كايدانىڭ» ليدەرى ۋساما بەن لادەنمەن تىعىز قارىم-قاتىناسى بار تەررورلىق توپ قۇرىپ، باسقارادى. كەيىن دجالالۋددين ۇيىم باسشىلىعىن بالاسى سيرادجۋددين حاككانيگە تابىستايدى. ال ول، قازىرگى اۋعان تالىبتەرى باسشىسىنىڭ كومەكشىسى.
«حاككاني جەلىسى» تۋرالى نە بىلەمىز؟ اتالعان توپ 2012 جىلى امەريكالىق اسكەر مەن اۋعان ۇكىمەتىنىڭ نىساندارىنا جاساعان شابۋىلىنا بايلانىستى تەررورلىق توپ بولىپ جاريالانعان. ال، ماماندار وسى توپتى نەگىزىنەن «تاليبان» قوزعالىسى مەن «ءال-كايدا» ۇيمىمەن تىعىز بايلانىسى بار دەگەن پىكىردە. كوپتەگەن اقپارات كوزدەرى ۇيىم جەتەكشىسىنىڭ قازا تابۋىن ۇيىمنىڭ ەندىگى السىرەۋىمەن بايلانىستىرىپ، اۋعانستانداعى جاعدايدىڭ تۇراقتالۋىنا نەگىز بولۋى مۇمكىن دەپ ەسەپتەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟