استانانىڭ 5 مەكتەبى مەن 3 كوللەدجى پيلوتتىق رەجيمدە لاتىن الىپبيىنە كوشىرىلەدى. بۇل تۋرالى استانانىڭ ءبىلىم باسقارماسىنىڭ باسشىسى ءانۋار جانعوزين ءداستۇرلى تامىز كونفەرەنتسياسىندا مالىمدەدى.

جوبا مەملەكەتتىك ءتىلدى دامىتۋعا باعىتتالعان. نەگىزگى يدەياسى ورىس تىلىندە ءبىلىم الاتىن سىنىپتاردى كەزەڭ-كەزەڭمەن مەملەكەتتىك تىلدەگى سىنىپتارعا اينالدىرۋ. ءىس جۇزىندە ءبىرىنشى سىنىپقا كەلەتىن بالالار ساباق بارىسىندا اقپاراتتى باستاپقى قادامدا 70 پايىزىن ورىس تىلىندە، ال 30 پايىزىن قازاق تىلىندە وقيتىن بولسا، 5-سىنىپقا بارعاندا وقىتۋ ءتىلىن تولىعىمەن مەملەكەتتىك تىلگە كوشىرۋ.

“جالپى العاندا، استانا ءبىرىنشى بولىپ، بارلىق پيلوتتىق جوباعا قاتىسادى. ءبىزدىڭ ۇستازدار ءاربىر وزگەرىستەر مەن جاڭاشىلدىققا تەز بەيىمدەلەدى. وسى جىلى ەلوردالىق ءبىلىم وردالارىندا جۇزەگە اسىرىلاتىن بىرنەشە پيلوتتىق جوبالار بار. مىسالى، ەلەكتروندىق وقۋلىقتاردى پايدالانۋ ەكى مەكتەپكە ەنگىزىلەدى. استانانىڭ 5 مەكتەبى مەن 3 كوللەدجى پيلوتتىق رەيجيمدە لاتىن الىپبيىنە كوشىرىلەدى”، – دەدى ءانۋار جانعوزين.

“The Qazaq Times”