ارمەنيا ءسىم قازاقستان پرەزيدەنتى نۇرسۇلتان نازارباەۆ پەن رەسەي باسشىسى ۆلاديمير ءپۋتيننىڭ ۇقشۇ-عا قاتىستى مالىمدەمەلەرىنە جاۋاپ بەردى – دەپ حابارلايدى ارمينفو اقپارات اگەنتتىگى.

اگەنتتىك مالىمەتىنشە، ارمەنيا ءسىم ءباسپاسوز حاتشىسى اننا ناگداليان ۇجىمدىق قاۋىپسىزدىك تۋرالىق كەلىسىم شارت ۇيىمىنىڭ باس حاتشىسى يۋري حاچاتۋروۆقا قاتىستى جاساعان نۇرسۇلتان نازارباەۆ پەن ۆلاديمير ءپۋتيننىڭ مالىمدەمەلەرىنە جاۋاپ بەرگەن. وندا ول: «ارمەنيانىڭ ۇقشۇ-داعى باس حاتشىسىن اۋىستىرۋ ۇزاققا سوزىلاتىن پروتسەسس. رەسمي ەرەۆان ىشكى سوت پروتسەستەرىن ۇقشۇ-دان ءبولىپ العىسى كەلەدى. قول جەتكىزگەن كەلىسىمدەرگە بايلانىستى جۇمىستاردى ۇقشۇ كەڭەسى بەكىتۋى ءتيىس. ول شەشىمدەر الداعى ۋاقىتتا حالىق نازارىنا ۇسىنىلاتىن بولادى» - دەپ مالىمدەگەن.

ەستەرىڭىزگە سالايىق، بۇعان دەيىن نۇرسۇلتان نازارباەۆ ۆلاديمير پۋتينمەن وتكىزگەن كەزدەسۋىندە ۇقشۇ باس حاتشىسى يۋري حاچاتۋروۆقا قاتىستى ماسەلەنى «پروبلەما» دەپ اتاعان.

شىلدە ايىنىڭ 26-كۇنى ارمەنيا تەرگەۋ قىزمەتى ەكس-پرەزيدەنت روبەرت كوچاريانعا «2008 جىلدىڭ 1 ناۋرىزىندا بولعان قارسىلىق اكتسياسى كەزىندە كونستيتۋتسيانى اياق استى ەتتى» دەگەن ايىپ تاعىپ، ەكى ايعا قاماۋعا العان. اتالمىش ءىس بويىنشا كوچاريانمەن قاتار ەكس-قورعانىس ءمينيسترى ميكاەل ارۋتيۋنيان مەن ۇقشۇ باس حاتشىسى يۋري حاچاتۋروۆتىڭ ۇستىنەن دە قىلمىستىق ءىس قوزعالعان.

“The Qazaq Times”