موڭعوليادا پويىز اپاتىنان كەيىن كولىك ءمينيسترى قىزمەتىنەن كەتتى – دەپ حابارلايدى Montsame اقپارات اگەنتتىگى.

اگەنتتىك مالىمەتىنشە، تامىز ايىنىڭ 12-ءى كۇنى پرەمەر-مينيستر ۋحنااگين حۋرەلسۋح ءباسپاسوز ءماسليحاتىن وتكىزىپ، كولىك ءمينيسترى ج. بات-ەردەنە مەن ونىڭ ورىنباسارى ب. تسوگتگەرەلانىڭ جانە جەتى بىردەي دەپورتامەنت باسشىلارىنىڭ وتستاۆكاعا كەتكەندىگىن مالىمدەگەن. ولاردىڭ قىزمەتتەن كەتۋىنە 12 تامىز كۇنى بولعان پويىز اپاتى سەبەپ بولعان.

ۇلان-باتىر مەن ساينشاند قالالارىنىڭ ورتاسىندا بولعان پويىز اپاتىندا ءۇش بىردەي جولاۋشىلار پويىزى مەن ەكى جۇك پويىزى رەلستەن شىعىپ كەتكەن. الدىن الا بولجام بويىنشا، پويىزداردىڭ اپاتقا ۇشىراۋىنا جاۋىن-شاشىننىڭ شامادان تىس كوپ جاۋى سەبەپ بولعان.

ەستەرىڭىزگە سالايىق، وسىدان ءبىراز ۋاقىت بۇرىن جامبىل وبلىسىندا دا پويىز اپاتقا ۇشىراعان. سالدارىنان ءبىر ءجاسوسپىرىم بالا كوز جۇمىپ، ونداعان ادام ءتۇرلى دەنە جاراقاتىن العان. بىراق ءبىزدىڭ ەلىمىزدە موڭعوليامەن سالىستىرعاندا ەشقانداي مينيستر نەمەسە دەپارتامەنت باسشىسى قىزمەتىنەن بوساتىلعان جوق. جاۋاپتى ادامداردىڭ وتستاۆكاعا كەتۋىن بىلاي قويىپ، اپاتتىڭ نەدەن بولعانى ءالى كۇنگە دەيىن دۇرىس تۇسىندىرىلمەدى.

“The Qazaq Times”