باتىس قازاقستان وبلىسىندا ورنالاسقان شالقار كولىنە ەكولوگيالىق قاۋىپ ءتونىپ تۇر.

ورال قالاسىنان، وڭتۇستىك-شىعىسقا قاراي 100 شاقىرىم قاشىقتىقتا ورنالاسقان  كولدىڭ سۋى كۇرت ازايىپ بارادى. مامانداردىڭ مالىمەتىنشە، 2 ميلليارد تەكشە مەتر سۋدان قازىر 1 جارىم ميللارد تەكشە مەتر قالعان. ۇزىندىعى 18 جارىم، ەنى 15 شاقىرىمدىق كولدىڭ ەنى كەي جەرلەردە 2 شاقىرىمعا دەيىن تارتىلعان. كوكسەركە، تابان سياقتى بالىق تۇقىمدارى مۇلدە جويىلىپ كەتكەن. سازان مەن شورتان بالىقتارى قۇرىپ كەتۋدىڭ از الدىندا تۇر.

شالقار كولىنىڭ سۋىنىڭ ازايىپ، بالىقتارىنىڭ قىرىلىپ قالۋىنا ونىڭ تابانىنا جينالعان باتپاق پەن بالدىر سەبەپ بولعان. ەكولوگتاردىڭ سوزىنشە، شالقاردىڭ جايىن بۇگىن شەشپەسە، ەرتەڭ ارالدىڭ تاعدىرى قايتالانۋى مۇمكىن.

“The Qazaq Times”