2018 جىلدىڭ ناۋرىز ايىندا بىرىڭعاي جيناقتاۋشى زەينەتاقى قورى مەن «قازپوشتا» اكتسيونەرلىك قوعامى اراسىندا ىنتىماقتاستىق جانە شارالار جوسپارى تۋرالى مەموراندۋمعا قول قويىلدى. وسى مەموراندۋم اياسىندا زەينەتاقى قىزمەتتەرىن بجزق بولىمشەلەرى جوق شالعاي اۋدانداردا «قازپوشتا» اق بولىمشەلەرى ارقىلى كورسەتۋ جوسپارلانۋدا. بۇل جوبانى جۇزەگە اسىرۋ جوسپارى ازىرلەنگەن. تەحنيكالىق ماسەلەلەر شەشىلىپ، «قازپوشتا» اق قىزمەتكەرلەر قۇرامى وقىتىلعان سوڭ، ترانسفەر-اگەنتتىك قىزمەتتەر كەزەڭ-كەزەڭ بويىنشا ەڭ الدىمەن ەكونوميكالىق جاعىنان بەلسەندى تۇرعىندارىنىڭ سانى 5 مىڭنان اساتىن 24 ەلدىمەكەندە، كەيىن جىل سوڭىنا دەيىن تۇرعىندار سانى 2 مىڭنان 5 مىڭ ادامعا دەيىن باراتىن 70 ەلدىمەكەندە كورسەتىلەتىن بولادى

سونداي-اق، 2018 جىلدىڭ 4 ايى ىشىندە سالىمشىلار مەن الۋشىلاردىڭ زەينەتاقى شوتتارىنا ەسەپتەلگەن تازا ينۆەستيتسيالىق تابىس سوماسى 169,3 ملرد تەڭگە بولدى. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 83 پايىزدان جوعارى. جىلدىق تۇرعىدان الىپ قاراعاندا قوردىڭ زەينەتاقى اكتيۆتەرىنىڭ تابىستىلىعى 2017 جىلدىڭ 1 مامىرى مەن 2018 جىلدىڭ 1 مامىرى ارالىعىندا 8,8 پايىزدى قۇرادى. ال بۇل كەزەڭدە ينفلياتسيا دەڭگەيى 6,5 پايىز بولدى.

2018 جىلدىڭ 1 مامىرىنا قاراي زەينەتاقى جيناقتارىنىڭ جالپى سوماسى 8,13 تريلليون تەڭگەنى قۇراپ، ءبىر جىل ىشىندە (2017 ج. ءساۋىرى – 2018 ج. ءساۋىرى) 1,21 ترلن تەڭگەگە ارتتى. ءوسىم 17,5 پايىزدى قۇرادى.

اعىمداعى جىلدىڭ 1 مامىرىنا قاراي شارتتاردىڭ بارلىق ءتۇرى بويىنشا سالىمشىلاردىڭ (الۋشىلاردىڭ) جەكە زەينەتاقى شوتتارىنىڭ (جزش) سانى 10 ميلليوننان استى. ونىڭ ىشىندە مىندەتتى زەينەتاقى جارنالارى (مزج) ەسەبىنەن اشىلعان شوتتار 9,6 ملن بىرلىك بولدى. مىندەتتى كاسىپتىك زەينەتاقى جارنالارىن (مكزج) ەسەپكە الۋ بويىنشا سالىمشىلاردىڭ (الۋشىلاردىڭ) جزش سانى 452 مىڭنان استام بىرلىكتى، ال ەرىكتى زەينەتاقى جارنالارى (ەزج) بويىنشا شامامەن 38 مىڭ بىرلىكتى قۇرادى.

اعىمداعى جىلدىڭ ءتورت ايى ىشىندە زەينەتاقى جارنالارى بويىنشا تۇسىمدەردىڭ جالپى سوماسى 266 ملرد تەڭگەدەن استى. وتكەن جىلدىڭ سايكەس كەزەڭىندە تۇسىمدەر 240 ملرد تەڭگەنى قۇراعان بولاتىن. سايكەسىنشە ءوسىم 11 پايىزعا جەتىپ وتىر. 2018 جىلدىڭ 1 مامىرىندا قاراي بجزق-دان تولەنگەن زەينەتاقى تولەمدەرىنىڭ سوماسى جىل باسىنان بەرى 83,03 ملرد تەڭگە، ونىڭ ىشىندە ساقتاندىرۋ ۇيىمدارىنا جاسالعان اۋدارىمدار 5,7 ملرد تەڭگە بولدى.

«دەربەس زەينەتاقى جوسپارلارى مادەنيەتىن قالىپتاستىرۋ» مىندەتىن ورىنداۋ اياسىندا 2018 جىلدىڭ ءساۋىر ايىندا قور سالىمشىلار مەن الۋشىلارعا جەكە كەڭەس بەرۋ قىزمەتىن ىسكە قوستى. «بجزق» اق فيليالدارى ءبىر اي ىشىندە  زەينەتاقىنى جوسپارلاۋ ماسەلەلەرى بويىنشا 27 260 جەكە اقىل-كەڭەس (كونسۋلتاتسيا) بەردى. بۇل رەتتە كەڭەس بەرۋ شارالارىنىڭ باسىم بولىگى الماتى قالالىق فيليالى (5 282, بۇل جالپى ساننىڭ 20 پايىزىن قۇرايدى) مەن وڭتۇستىك قازاقستان وبلىستىق فيليالىندا (4 056 نەمەسە 15%) وتكىزىلدى.

“The Qazaq Times”