«قازاقستانداعى ورىستاردى قورعايمىن» دەگەن رەسەي دەپۋتاتىنا رەسمي استانا «ەسكەرتۋ» جاسادى

قازاقستان سىرتقى ىستەر مينيسترلىگى رەسەيلىك ءارىپتەستەرىنە مءالىمدەمە جولداپ، رەسەيلىك دەپۋتاتتىڭ "دءۇنيە جءۇزىندەگى ورىستاردى، سونىڭ ىشىندە قازاقستاندا تۇراتىن وتانداستارىن قورعاۋ" جءونىندەگى مءالىمدەمەسىنە الاڭدايتىنىن ءبىلدىردى. بۇل تۋرالى «ورتالىق ازيا حابار» قىزمەتى جازادى.

بۇنداي مالىمدەمەنى مەملەكەتتىك دۋمانىڭ تمد ىستەرى جونىندەگى كوميتەتىنىڭ مۇشەسى پاۆەل شپەروۆ 26 قاڭتاردا مەملەكەتتىك دۋماداعى دوڭگەلەك ۇستەل وتىرىسىندا ايتقان.

1 اقپاندا قازاقستاننىڭ سىرتقى ىستەر ءمينيسترىنىڭ ءبىرىنشى ورىنباسارى مۇحتار تىلەۋبەردين مەن ونىڭ رەسەيلىك ارىپتەسى گريگوري كاراسين تەلەفون ارقىلى سويلەسكەنى حابارلاندى. قازاقستان ءسىم مالىمدەمەسى بويىنشا، قازاق-ورىس قارىم-قاتىناسى دوستاستىق جانە وداقتاستىق كەلىسىم، ەكى ەل اراسىندادى مەملەكەتتىك شەكارالار تۋرالى كەلىسىم نەگىزىندە داميتىتىن اتاپ ءوتتى.

"دەپۋتاتتىڭ (شپەروۆتىڭ) مالىمدەمەسىندە ونىڭ قازاقستانعا تەرريتوريالىق تالابى تۋرالى دا ايتىلدى. رەسەيلىك تاراپ قازاقستاننىڭ ءسىم مالىمدەمەسىن دۇرىس قابىلداعانىن ايتتى", - دەلىنگەن مينيسترلىك تاراتقان مالىمدەمەدە.

رەسەيلىك «ينتەرفاكس» اقپارات اگەنتتىگى مەملەكەتتىك دۋمانىڭ حالىقارالىق ىستەر جونىندەشى كوميتەت باسشىسى لەونيد سلۋتسكيدىڭ مالىمدەمەسىن تاراتتى. سلۋتسكي "ماسكەۋدە قازاقستان جەرلەرىن رەسەي باقىلاۋىنا قايتارۋ تۋرالى ماسەلە ەشقاشان كوتەرىلگەن ەمەس" دەگەن.

“The Qazaq Times”