ترامپ پەن كيم جوڭ ۋن موڭعوليادا كەزدەسۋى مۇمكىن

اقش پرەزيدەنتى دونالد ترامپ پەن سولتۇستىك كورەيا باسشىسى كيم جوڭ ۋن تايلاند، سينگاپۋر، موڭعوليا نەمەسە ەۋروپا ەلدەرىنىڭ بىرىندە كەزدەسۋى مۇمكىن.

Bloomberg باسىلىمىنىڭ مالىمەتىنشە، قازىرگى تاڭدا اقش پرەزيدەنتى دونالد ترامپ سولتۇستىك كورەيالىق ارىپتەسى كيم جوڭ ۋنمەن كەزدەسۋ وتكىزۋ ءۇشىن توعىز قالانى تاڭداعان. ولاردىڭ ىشىندە پراگا، ۆارشاۆا، حەلسينك، ستوكگولم، وسلو، جەنەۆا، بانكوك، سينگاپۋر جانە ۇلان-باتىر بار.

جالپى، بۇعان دەيىن دونالد ترامپ كيم جوڭ ۋنمەن ماۋسىم ايىندا كەزدەسۋى مۇمكىن ەكەندىگىن جانە كەزدەسۋدىڭ اقش اۋماعىنان تىس جەردە وتەتىندىگىن مالىمدەگەن. ال كۇنى كەشە اقش ورتالىق بارلاۋ باسقارماسىنىڭ ديرەكتورى مايك پومپەو پرەزيدەنت دونالد ترامپتىڭ تاپسىرماسى بويىنشا سولتۇستىك كورەيا باسشىسى كيم جوڭ ۋنمەن پيوڭياڭ قالاسىندا كەزدەسكەن.

“The Qazaq Times”