فوتو: DW.

ەۋرووداق پەن تۇركيا كەلىسىمگە كەلە المادى – دەپ حابارلايدى نەمىس تولقىنى اقپارات اگەنتتىگى.

26 ناۋرىز كۇنى بولگاريانىڭ ۆارنا قالاسىندا ەۋرووداق-تۇركيا ءسامميتى اياقتالدى. سامميتەن كەيىن جۋرناليستەر الدىندا ءسوز سويلەگەن ەۋرووداق كەڭەسىنىڭ توراعاسى دونالد تۋسك: «ءبىز ەۋرووداق-تۇركيا سامميتىندە بەلگىلى ءبىر كەلىسىمگە كەلە المادىق. بىراق ءبىز ءوزىمىزدى مازالايتىن سۇراقتار ءتىزىمىن ايتتىق. ال ول ءتىزىم وتە ۇزاق» - دەگەن.

اتاپ ايتقاندا ەۋرووداق وكىلدەرى سامميت بارىسىندا رەسمي انكارانى تۇركيا اۋماعىندا ەۋرووداق ازاماتتارىن ۇستاماۋعا، ءسۇريانىڭ افرين اۋماعىنان اسكەرىن شىعارۋعا جانە كيپر رەسپۋبليكاسىندا جۇرگىزىلىپ جاتقان گاز بۇرعىلاۋ جۇمىستارىنا كەدەرگى كەلتىرمەۋگە شاقىرعان. ال ءوز كەزەگىندە تۇركيا پرەزيدەنتى رەجەپ تايىپ ەردوعان سامميت باستالماي جاتىپ ەۋرووداقتى ەكى ءجۇزدى ساياسات ۇستانىپ وتىر» دەپ ايىپتاپ، رەسمي انكارانىڭ ۇزاق جىلدار بويى ۇيىمعا تولىققاندى مۇشە بولا الماي كەلە جاتقانىن العا تارتقان.

“The Qazaq Times”