مۋامار كاددافيدىڭ ۇلى سەيف ءال-يسلام كادديفي

2011 جىلى توڭكەرىس كەزىندە "ليۆيا حالقىنا قارسى قىلمىس جاسادى" دەپ ايىپتالعان، الايدا 6 جىلدان كەيىن بوستاندىققا شىعارىلعان سەيف ءال-يسلام كادديفي الداعى پرەزيدەنتتىك سايلاۋعا تۇسپەكشى. ول 34 مەملەكەتتىك قىزمەتكەرمەن بىرگە ءولىم جازاسىنا كەسىلگەن ەدى. 

سەيف ءال-يسلامنىڭ ەسىمى ليۆيانىڭ بۇرىنعى باسشىسى مۋامار كاددافيدىڭ ۇلى رەتىندە  وقىرمانعا كوپتەن بەلگىلى. الايدا، كەزىندە الەمدىك دەڭگەيدەگى اسا داۋلى ماسەلەمەن اتى شىققان "تەنتەك ۇلدىڭ" بۇلايشا پرەزيدەنت تاعىنا دەگەن ۇمىتكەرلىگى كوپشىلىك ءۇشىن توسىن جاڭالىق بولىپ تۇر. سەيف ءال-يسلامنىڭ ادۆوكاتى حاليد ءال-گۋۆەيل تۋنيستە ۇيىمداستىرىلعان ءباسپاسوز بريفينگىندە ونىڭ سايلاۋعا قاتىستى شەشىمىن رەسمي تۇردە حابارلادى. سەيف ءال-يسلام كادديفيدىڭ ليۆيانى "قۇتقارعىسى" كەلەتىنىن ايتقان گۋۆەيل: "سەيف ءال-يسلام قادديفي وقشاۋلانعان، ازعىندالعان قوعامنان ادا، جاڭا ليۆيانى قۇرۋعا باعىتتالعان ليۆيا ۇلتتىق قۇتقارۋ مايدانىنىڭ اتىنان ۇمىتكەرلىككە تۇسەدى", - دەدى.

ول سونداي-اق، سەيف ءال-يسلامنىڭ سايلاۋدا قولداۋعا يە بولۋ ءۇشىن ليۆياداعى تايپالارمەن دە كەزدەسەتىنىن ايتتى. قازىرگى ۋاقىتتا ليۆيادا پرەزيدەنتتىك سايلاۋ دايىندىقتارىنىڭ باستالىپ كەتكەندىگى بەلگىلى. ال اتالعان ماسەلەنىڭ ناقتى قالاي شەشىلەتىنى ازىرگە بەلگىسىز.

“The Qazaq Times”