مۋامار كاددافيدىڭ ۇلى سەيف ءال-يسلام.

ليۆيادا مۋامار كاددافيدىڭ ۇلى بوستاندىققا شىقتى دەپ حابارلايدى نەمىس تولقىنى اقپارات اگەنتتىگى.

كاددافيدىڭ ۇلى ءال-يسلام شىعىس ليۆيا پارلامەنتى قابىلداعان امنيستيا زاڭى بويىنشا بوستاندىققا شىقتى.

مۋامار كاددافيدىڭ ولىمىنەن كەيىن 2015 جىلدىڭ 28 شىلدەسىندە ليۆيا سوتى سەيف ءال-يسلامدى ءولىم جازاسىنا كەسكەن بولاتىن. ول 2011 جىلدان بەرى ليۆيا كوتەرىلىسشىلەرىنىڭ يەلىگىندەگى ەلدىڭ سولتۇستىك-باتىسىندا ورنالاسقان زينتان تۇرمەسىندە وتىرعان.

كوتەرىلىسشىلەر وسى ۋاقىتقا دەيىن ءال-يسلامدى حالىقارالىق دارەجەدە مويىندالعان تريپولي ۇكىمەتىنە بەرۋدەن باس تارتىپ كەلگەن.

قازىرگى تاڭدا ءال-يسلامنىڭ تۇرمەدەن شىعىپ قايدا بەت العاندىعى بەلگىسىز. ونىڭ قورعاۋشىسىنىڭ ايتۋىنشا ءال-يسلامنىڭ قايدا ەكەندىگىن ايتۋ ونىڭ ومىرىنە قاۋىپ ءتوندىرۋى مۇمكىن. سول سەبەپتى كاددافي ۇلىنىڭ قازىرگى مەكەن-جايى قۇپيا كۇيىندە قالماق.

“The Qazaq Times”