قازاق-وزبەك شەكاراسىندا حالىقارالىق بايلانىس جانە كولىك-لوگيستيكالىق ورتالىق اشىلماق.

ناۋرىز ايىنىڭ 14-ءى كۇنى وتكەن ۇكىمەت ارالىق كەزدەسۋدە قازاقستان مەن وزبەكستاننىڭ شەكارالىق اۋدانداردا حالىقارالىق بايلانىس جانە كولىك-لوگيستيكالىق ورتالىعى مەن قۇرلىق پورتىن اشاتىندىعى بەلگىلى بولدى. قر پرەمەر-ءمينيسترىنىڭ رەسمي سايتىندا كورسەتىلگەن مالىمەتتەر بويىنشا، بىلتىرعى جىلى ەكى ەل اراسىنداعى تەمىر جول ارقىلى وتەتىن جۇك تاسىمالى 8 پايىزعا ءوسىپ، 20,5 ميلليون توننانى قۇراعان. ال 2018 جىلدىڭ سوڭعى ەكى ايىندا وتكەن جىلدارمەن سالىستىرعاندا جۇك تاسىمالى 44 پايىزعا ارتقان.

ەستەرىڭىزگە سالايىق، بۇگىن وزبەكستان پرەزيدەنتى شاۆكات ميرزيەەۆ استانا قالاسىنا رەسمي ءىس-ساپارمەن كەلەدى. ءىس-ساپار بارىسىندا ميرزيەەۆ  قازاقستان پرەزيدەنتى نۇرسۇلتان نازارباەۆپەن كەزدەسىپ، ەكى ەل اراسىنداعى قارىم-قاتىناس، ايماقتىق جانە حالىقارالىق ماسەلەلەردى تالقىلايدى دەپ جوسپارلانۋدا. بۇدان بولەك ول استانا قالاسىندا وتەتىن ورتالىق ازيا ەلدەرى باسشىلارىنىڭ سامميتىنە قاتىسادى دەپ كۇتىلۋدە.

“The Qazaq Times”