جارىسقا قاتىسۋشىلار

 قمدب-نىڭ وسكەمەن ايماعى وكىلدىگىنىڭ 2017-جىلعى جوسپارلى شارالارى اياسىندا  ەلىمىزدە بولىپ جاتقان الەمدىك ءىرى سپورتتىق شارا–ۋنيۆەرسيادانى قولداۋ  ماقساتىندا شىعىس قازاقستان وبلىستىق «حاليفا التاي» مەشىتى وسكەمەندە جاستار اراسىندا «ۋنيۆەرسيادانى قولداۋ اكتسياسىن» وتكىزدى. بۇل تۋرالى مەشىتتىڭ ءباسپسوز قىزمەتى حابارالدى. 

اكتسيا اياسىندا وسكەمەن قالاسىنداعى شاڭعى بازاسىندا قىزدار اراسىندا كونكيمەن سىرعاناۋ جارىسى بولدى. جارىسقا «حاليفا التاي» مەشىتىنىڭ «ايەلدەر–قىزدار سەكتورىنىڭ» شاكىرتتەرى بەلسەندى قاتىستى. مەشىتتە ءدىني ءبىلىم الىپ جۇرگەن قىزدار مەن ايەلدەر تازا اۋادا، كوك ايدىندا كونكيمەن سىرعاناپ، سايىستىڭ كورىگىن قىزدىردى.

ايدىننىڭ ەكىنشى بولىگىندە ساۋات اشۋ كۋرسىنىڭ شاكىرتتەرى مەن سپورت سۇيەر جاماعاتتار ءوزارا  شاڭعىمەن سىرعاناپ، سايىسقا ءتۇستى.

قوس سايىس قىزىقتى، تارتىستى ءجۇرىلدى. اۋەسقوي شاڭعىشىلار ايانىپ قالعان جوق. بار ونەرلەرىن سالدى. سايىستا وزا شاپقان كونكيشى قىزدارمەن شاڭعىشى جىگىتتەرگە وكىلدىك تاراپىنان سىيلىق ۇسىنىلدى.

«ءبىز بۇل شارانى الماتىدا الاۋىن جاقان ۋنيۆەرسيادانى قولداۋعا ارناپ وتكىزىپ وتىرمىز. ەلىمىز ءۇشىن اسا ماڭىزدى باسەكەگە قولداۋ ءبىلدىرۋ ماقساتىمىز. سونىمەن قاتار جاستار اراسىندا قىسقى سپورت تۇرلەرىن ناسيحاتتاۋعا باعىتتالىعان. سالاۋاتتى ءومىر سالتىن سقاتاۋ بارلىعىمىزدىڭ اتسالىستاتىن ءىسىمىز» دەپ اتاپ ءوتتى، شارانى ۇيىمداستىرۋشىلار.

كونكيشى قىزدار دا اكتسياعا ءۇن قوستى

 “The Qazaq Times”