فوتو: Today.Tj

تاجىكستان ۇكىمەتى ەل اۋماعىنداعى 1938 مەشىتتىڭ جۇمىسىن توقتاتتى – دەپ حابارلايدى ca-news.org اقپارات كوزى.

تاجىكستان ۇكىمەتى جانىنداعى ءدىن ىستەرى جانە داستۇرلەردى رەتتەۋ كوميتەتىنىڭ باسشىسى حۋسەين شوكيروۆتىڭ سوزىنشە، كوميتەت باستاماسىمەن ەل اۋماعىنداعى مەشىتتەرگە تەكسەرۋ جۇمىستارى جۇرگىزىلگەن. تەكسەرۋ بارىسىندا 1938 مەشىتتىڭ قۇجاتتارى دۇرىس بولماي شىققان. وسىعان بايلانىستى اتالمىش مەشىتتەردى جابۋعا نۇسقاۋ بەرىلگەن.

بۇدان بولەك ءدىن ىستەرى جانە داستۇرلەردى رەتتەۋ كوميتەتى رەسپۋبليكا بويىنشا يمامداردى اتتەستاتسيادان وتكىزگەن. ناتيجەسىندە ءدىني ءبىلىمىن ءوز دەڭگەيىندە كورسەتە الماعان 35 يمام قىزمەتىنەن بوساتىلعان.

ەستەرىڭىزگە سالايىق، بۇعان دەيىن تاجىكستان ۇكىمەتى شەتەلدەردە ءبىلىم الىپ كەلگەن يمامدارعا مەشىتتەردە جۇمىس ىستەۋگە تىيىم سالعان. جالپى رەسمي دۋشانبە سوڭعى ۋاقىتتارى ءدىن سالاسىن قاتاڭ باقىلاۋعا العان.

“The Qazaq Times”