جاپون تەڭىزى. فوتو: The World Factbook.

جاپونيانىڭ اكيتا اۋدانىندا، جەرگىلىكتى ۋاقىت بويىنشا 23 قاراشا كۇنى كەشتە، جاعالاۋدان بەلگىسىز ەلدىڭ 8 ازاماتى ۇستالعان. ولار جاعالاۋدا اعاش قايىقتارىمەن تابىلعان. العاشقى بەرگەن جاۋاپتارىنا قاراعاندا سولتۇستىك كورەيادان كەلگەن بولىپ شىقتى. جەرگىلىكتى پوليتسەيلەر تەرگەۋدى جالعاستىرىپ جاتىر. بۇل تۋرالى «شينحۋانىڭ» رەسمي سايتى جازدى.

كەشە گونكونگتىڭ «شىعىس جەلىسى» سايتى جاپونيانىڭ «اساحي شيمبۋن» جانە باسقا باق-تارعا سىلتەمە جاساي وتىرىپ تاراتقان حابارىندا، پوليتسيا جاق جەرگىلىكتى ۋاقىت 23:20 شاماسىندا بەلگىسىز ادامدار تۋرالى مالىمەتتى تاپسىرىپ العان. وندا كەمەلەرگە جۇك تيەيتىن ورىندا بەلگىسىز ادامداردىڭ جۇرگەنى ايتىلعان. پوليتسەيلەر اتالعان ورىننان سەگىز ادامدى تاپقان، وعان قوسا، جاعالاۋعا جاقىن ماڭدا 20 مەتر شاماسىندا اعاش قايىق تا تابىلعان. ولار تەڭىزدەن وسى اعاش قايىقپەن ءجۇزىپ وتكەندەرىن ايتقان.

العاشقى ساراپتاۋ بويىنشا بەيتانىس ادامدار تولىقتاي ساۋ دەنەلى، پسيحيكالىق اۋىتقۋلارى جوق ادامدار ەكەنى انىقتالدى. دەگەنمەن، ولار جاپون ءتىلىن تۇسىنبەيدى. سويلەۋ مانەرىنە قاراعاندا سولتۇستىك كارىس تىلىنە ۇقسايدى.  پوليتسيا ولاردى ليۆيدجۋان پوليتسياسىنىڭ قورعاۋىنا الدى جانە سولتۇستىك كورەيادان كەلەتىندىكتەن سەندەيدىڭ يمميگراتسيالىق بيۋروسىنىڭ اۋدارماشىلارىن تەرگەۋگە قاتىستىردى. قازىرگى كەزدە تەرگەۋ جالعاسۋدا.

“The Qazaq Times”