ساۋد ارابياسى مۇسىلماننان باسقا تۋريستەرگە ەسىك اشتى

31 قازان كۇنى ساۋد ارابياسىنىڭ ۇكىمەتى مالىمدەمە جاريالاپ، الەم ەلدەرىنە العاش رەت تۋريستىك ۆيزا بەرەتىندەرىن ايتتى. بۇل مالىمدەمەنى ساۋد ارابياسىنىڭ ۇلتتىق تۋريزم جانە مادەني مۇرا كوميسسياسى تاراتتى. ولار كوپ ۇزاماي اتالعان ۆيزالاردىڭ دايىن بولاتىنىن جەتكىزدى. بۇل تۋرالى «شينلاڭ» اقپاراتتىق سايتى حابارلادى.

ساۋد ارابياسى بۇل قادامدى ساۋدانى دامىتىپ، شەتەلدىك تۋريستەردى تارتۋ ماقساتىندا جاساپ وتىر. وسىعان دەيىن ساۋد ارابياسى شەتەلدىك ساياحاتشىلاردى ەلگە كىرگىزۋگە رۇقسات ەتپەگەن بولاتىن. بۇعان دەيىن شەتەلدىكتەر مەككە مەن مەدينانىڭ قاسيەتتى ورىندارىنا تەك قاجى رەتىندە كىرۋگە رۇقسات ەتىلگەن. ساۋد ارابياسى ازاماتتارىنا، كاسىپكەرلەرىنە نەمەسە اگەنتتىكتەرىنە رەسمي تۇردە شاقىرىلۋى كەرەك بولعان.

ساۋد ارابياسىندا تۋريستەردى قىزىقتىراتىن ورىندار وتە كوپ. مەككە مەن مەدينە قالالارىنان باسقا دا جۇزگە جۋىق اراب پەن يسلام مادەنيەتىنىڭ تاريحىن  ايعاقتايتىن ورىندار، ەسكەرتكىشتەر، مەشىتتەر مەن وزگە قۇرلىستار كوپ. اراب تۇبەگىندەگى قالىپتاسقان مادەنيەت پەن وركەنيەت وشاعىن ءوز كوزىمەن كورگىسى كەلگەن ساياحاتشىلاردىڭ بۇعان دەيىن جولى بولماي كەلگەن ەدى. دەسە دە، مۇسىلمان جۇرتشىلىعى قاسيەتتى سانالاتىن ءال-حارام مەشىتى مەن ونداعى قاعبانىڭ قارا تاسىن وزگەلەرگە اشىپ بەرۋىنە وزگەشە پىكىردە قارايتىنى انىق.

“The Qazaq Times”