ءار مينۋت، ءار ساعات، ءار كۇن سايىن ەلىمىزدە، الەمدە حالىقتى ەلەڭ ەتكىزەر ماڭىزدى جاڭالىقتار بولادى. ال ونىڭ ءبىرى كوزگە ىلىنسە، ەندى ءبىرى نازاردان تىس قالىپ جاتادى. ەندەشە The Qazaq Times وقىرماندارى ءۇشىن وسى اپتادا بولعان ەڭ ماڭىزدى ەكونوميكا جاڭالىقتارىنا شولۋ جاسايدى.

اقىشەۆ: كريپتوۆاليۋتانىڭ نە ەكەنىن مەنىڭ ءوزىم ءالى تۇسىنە قويعان جوقپىن

قر ۇلتتىق بانك توراعاسى دانيار اقىشەۆ 25 قازان كۇنى ورتالىق كوممۋنيكاتسيا قىزمەتىندە وتكەن ءباسپاسوز كونفەرەنتسياسىندا كريپتۆاليۋتانىڭ نە ەكەنىن ءالى تۇسىنە قويماعانىن مالىمدەدى.

"مەن كريپتوۆاليۋتانىڭ نە ەكەنىن ءوزىم ءالى كۇنگە ونشا تۇسىنە قويعان جوقپىن. بۇل نە ورتاق قالىپتى ەميتەنتى، نە بىرىڭعاي ورتالىقتاندىرىلعان ورگانى جوق قۇرال. ءتىپتى ەشتەمەگە تىركەلمەگەن جانە ونىڭ قۇنى سپەكۋلياتيۆتى وپەراتسيالارعا نەگىزدەلگەن. سوندىقتان ادامدار ينۆەستيتسيالاعىسى كەلەتىن مۇنداي اكتيۆتەردىڭ ساقتالۋىن ەشكىم قامتاماسىز ەتكىسى كەلمەيدى", - دەدى اقىشەۆ.

شاياحمەتوۆا بانكتەرگە بەرىلەتىن قارجىنىڭ ءبىراز بولىگى جوعالۋى مۇمكىن ەكەنىن جوققا شىعارمايدى

حالىق بانكتىڭ باسقارما توراعاسى ءۇمىت شاياحمەتوۆا ۇلتتىق بانكتىڭ بانك سەكتورىنىڭ قارجىلىق تۇراقىلىعىنا قاتىستى باعدارلاماسىنا باعا بەردى. ول باعدارلاما بويىنشا بانكتەرگە بەرىلەتىن قارجىنىڭ ءبىراز بولىگى جوعالىپ كەتۋى مۇمكىن ەكەنىن جوققا شىعارعان جوق.  "جالپى، بانك سەكتورىنا ارنالعان باعدارلاما قولايلى، مەن ونى وڭ باعالاپ، قولدايمىن. بىراق مۇنداعى ماسەلە بانكتەردىڭ باعدارلامانى قالاي قولداناتىنىندا بولىپ وتىر... الداعى ۋاقىتتا قاراجات جوعالۋى مۇمكىن", - دەدى ول كەشە حالىق بانكتىڭ باس كەڭسەسىندە وتكەن ءباسپاسوز كونفەرەنتسياسىندا.

بوزىمباەۆ قاراشا ايىندا بەنزين تاپشىلىعى بولمايتىنىنا ۋادە بەردى

قر ەنەرگەتيكا ءمينيسترى قانات بوزىمباەۆ قازاقستانداعى مۇناي وڭدەۋ زاۋىتتارى ء(موز) قايتا ىسكە قوسىلعاننان كەيىن قاراشا ايىندا بەنزينگە سۇرانىس بىرتىندەپ ازايادى دەپ مالىمدەدى.ونىڭ سوزىنشە، كەلەسى ايدا بەنزين سۇرانىسى 270-280 مىڭ توننا كولەمىندە بولادى.

قىرعىزستاننىڭ مەملەكەتتىك كەدەن قىزمەتى توراعاسىنىڭ ورىنباسارى زاميربەك نيازاليەۆ "ەۋرازيالىق ەكونوميكالىق وداققا مۇشە ەلدەر قازاقستان ءۇشىن 1 ملرد دوللارىنان ايرىلدى" دەپ مالىمدەدى.

قىرعىزستان بيلىگى: ەاەو قازاقستان ءۇشىن 1 ملرد دوللارىنان ايرىلدى

Sputnik كىرگىزستان باسىلىمىنىڭ مالىمەتىنشە، كەدەن ورگانىنىڭ قىزمەتكەرى، سونداي-اق  ەكونوميكا ءمينيسترى ارتەم نوۆيكوۆ قر پرەمەر-ءمينيسترى باقىتجان ساعىنتاەۆتىڭ قىرعىزتانعا قاراتا ايتقان مالىمدەمەسىن دۇرىس ەمەس جانە نەگىزسىز دەپ ەسەپتەيدى. ونىڭ سوزىنشە، قازاقستان ۇكىمەتىنىڭ ءادىسى بويىنشا ەسەپ جۇرگىزسە، ەاەو-نىڭ جوعالتقان قاراجاتى تەك قىرعىزستان ءۇشىن عانا ەمەس ەكەن.

“The Qazaq Times”