قازاقستاندا ينتەرنەتتى قازاقستاندىقتاردىڭ 74%-ى قولدانادى. ال جالپى الەم بويىنشا بۇل كورسەتكىش 82%-دى قۇرايدى. مۇنداي مالىمەتتەر KANTAR TNS كومپانياسى جۇرگىزگەن زەرتتەۋ جۇمىسىندا ايتىلعان. كومپانيا Google تاپسىرماسى بويىنشا زەرتتەۋ جاساعان.
قازاقستاندا ينتەرنەتتى بەلسەندى پايدالاناتىندار 25-34 (30%) جانە 35-44 (20%) جاس ارالىعىنداعىلار. قولدانۋشىلار اراسىنداعى ەرلەردىڭ ۇلەسى - 47%، ايەلدەردىكى - 53%.
"ينتەرنەتكە قوسىلعان قۇرىلعىلاردىڭ ەكوسيستەماسى ءارتۇرلى جانە ءاربىر ادام بىرنەشە قۇرىلعىنى پايدالاناتىنى ەسكەرىلگەن. مىسالى قازىرگى ۋاقىتتا ءاربىر قازاقستاندىق كەم دەگەندە 2 ينتەرنەتكە قوسىلعان قۇرىلعىنى پايدالانادى. سونىمەن ولاردىڭ 64%-ى سمارتفونداردى قولدانسا، 26% - نوۋتبۋكتى، 10%-ى سمارت تۆ-نى پايدالانادى»، - دەلىنگەن زەرتتەۋ جۇمىسىندا.
بۇدان بولەك قازاقستاندىقتار ينتەرنەتكە قوسىلۋعا مۇمكىندىگى بار نەتبۋكتاردى، پلانشەتتاردى، ەلەكتروندى كىتاپتاردى، سمارت-ساعاتتاردى جانە ترەكەرلاردى پايدالانادى.
ال سمارتفوندى ينتەرنەتتى قولدانۋ ءۇشىن پايدالاناتىندار سانى جىل سايىن ارتىپ جاتىر. سونداي-اق، ءموبيلدى تەحنولوگيانىڭ دامۋى ۆيدەوكونتەنتتى ونلاين قاراۋ پروتسەسىن دە وزگەرىپ جاتىر. سونىمەن 2017 جىلى جاسى 16-دان اسقان قازاقستاندىقتاردىڭ 58%-ى ۆيدەولاردى كومپيۋتەردەن گورى سمارتفوننان ءجيى كورەتىن بولعان.
جالپى KANTAR TNS كومپانياسى Connected Consumer Study زەرتتەۋ جۇمىسى كەزىندە 63-تەن استام ەلدىڭ رەسپوندەنتتەرىنە ساۋالناما جۇرگىزگەن. قازاقستاندا زەرتتەۋ جۇمىستارى 2017 جىلدىڭ 1 ساۋىرىنەن 30 ماۋسىمىنا دەيىن جۇرگىزىلىپ، ساۋالناماعا 16 جاستان اسقان 1000 رەسپوندەنت قاتىسقان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى