فوتو: cnbc.com

Facebook Messenger باسشىسى دەۆيد ماركۋستىڭ سوزىنشە،  كەيبىر "رەسەيلىك اگەنتتەر" اتالعان مەسسەنجەردى 2016 جىلى اقش-تا وتكەن پرەزيدەنت سايلاۋىنا ىقپال ەتۋ ءۇشىن پايدالانعان بولۋى مۇمكىن. 

الايدا ول قوسىمشا سايلاۋعا ىقپال ەتۋ ءۇشىن قالاي پايدالانىلعانى تۋرالى ايتپاعان.

ء"بىز بۇل پلاتفورمانىڭ  سايلاۋدا قالاي پايدالانىلعانىن انىقتاپ جاتىرمىز. ءبىز وسى ماسەلە بويىنشا كونگرەسپەن بىرلەسىپ جۇمىس ىستەپ وتىرمىز، تەرگەۋ جۇمىستارى ءجۇرىپ جاتىر. بىز نە بولعانىن انىقتايمىز، الداعى ۋاقىتتا  وسىنداي جاعدايلاردىڭ الدىن-الۋ ءۇشىن جۇيەنى جاقسارتاتىن بولامىز", - دەدى ماركۋس The Wall Street Journal باسىلىمىنداعى مالىمدەمەسىندە.

سونداي-اق، ماركۋستىڭ سوزىنشە، اقش سايلاۋىنا ىقپال ەتۋگە ارەكەتتەنگەن Facebook-تاعى 470  اككاۋنتتىڭ ءبىرازى Messenger قوسىمشاسىن پايدالانعان بولۋى مۇمكىن. بۇدان بۇرىن Facebook كومپانياسى اقش سايلاۋىنا ىقپال ەتۋى مۇمكىن دەگەن 3 مىڭعا جۋىق رەسەيلىك جارناما  حابارلامالارىن اقش كونگرەسىنىڭ وكىلدەر پالاتاسىنىڭ بارلاۋ كوميتەتىنە جىبەرگەن.

ايتا كەتەيىك، قازىرگى ۋاقىتتا اقش-تا 2016 جىلى وتكەن پرەزيدەنت سايلاۋىنا رەسەيلىكتەردىڭ ارالاسقان-ارالاسپاعانىن انىقتاۋ ءۇشىن تەرگەۋ جۇمىستارى جۇرگىزىلىپ جاتىر.

“The Qazaq Times”