دونالد ترامپتىڭ سايلاۋ شتابى ۆيسكونسين شتاتىنداعى سايلاۋ قورىتىندىسىن قايتا ساناپ شىعۋ ءۇشىن 3 ملن دوللار ءبولدى. ترامپ شتابىنىڭ پىكىرىنشە، ءدال وسى وڭىرلەردە زاڭبۇزۋشىلىق ءجيى تىركەلگەن.
شتات بيلىگىنىڭ ايتۋىنشا، سايلاۋشىلاردىڭ داۋىسىن قايتا ساناۋ جۇمىسىنا شامامەن 2 اپتاداي ۋاقىت كەتپەك. شتات زاڭى بويىنشا ۇمىتكەرلەر جيناعان داۋىستاردىڭ اراسىنداعى ايىرماشىلىق 1% كەم بولسا، ترامپ سايلاۋ قورىتىندىسىن قايتا قاراپ شىعۋىن تالاپ ەتۋگە قۇقىلى. شارا ميلۋوكي مەن دەين وكرۋگتەرىندە عانا ۇيىمداستىرىلادى.
نەگىزىنەن ۆيسكونسين شتاتىندا دەموكرات دجو بايدەن 20 مىڭ داۋىس باسىمدىقپەن جەڭىسكە جەتكەن بولاتىن. دەگەنمەن، قورىتىندى رەسمي تۇردە ءالى جاريالانعان جوق.
اقش-تا پرەزيدەنت سايلاۋى 3 قاراشادا ءوتتى. ترامپتىڭ قارسىلاسى دەموكرات دجوزەف بايدەن 270-تەن استام داۋىس جيناپ، سايلاۋداعى جەڭىسىن جاريالادى. رەسپۋبليكالىق پارتيا وكىلدەرى مەن ترامپ بايدەننىڭ جەڭگەنىن مويىندامادى جانە سايلاۋشىلاردىڭ داۋىستارىن ساناۋعا قاتىستى سوتتارعا جۇگىنۋگە نيەت ءبىلدىردى. سەبەبى ولار «سايلاۋدا زاڭ بۇزۋشىلىقتار بولدى جانە بايدەننىڭ جەڭىسكە جەتۋى ءۇشىن سىرتقى فاكتورلار ىقپال ەتتى»، – دەپ سانايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟