وڭتۇستىك قازاقستان وبلىسى ارىس قالاسىنىڭ شارۋالارى 5500 گەكتارعا ەگىلگەن باقشا ونىمدەرىنەن بۇگىنگى كۇنى 134 مىڭ توننادان استام قاۋىن، قاربىز ءونىمىن جيناعان. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى.

ديقاندار كۇزدىك باقشا ونىمدەرىنىڭ 55 760 تونناسىن گەرمانيا، بالتىق ەلدەرى مەن رەسەي ەلىنىڭ ماسكەۋ قالاسىنا جانە ءنوۆوسىبىر، پەنزا، سامارا وبلىستارىنا جونەلتتى.

ال، 63 مىڭ توننا قاۋىن مەن قاربىزدى استانا مەن الماتى قالاسىنا جىبەرسە، قالعانىن وبلىس نارىعىنا ساۋدالاعان. شارۋالار سىرداريا جانە ارىس وزەنىنىӊ يگىلىگىن ءتيىمدى پايدالانىپ، وزدەرىنە تيەسىلى القاپتاردا جيىن-تەرىم ناۋقانىن ويداعىداي جۇرگىزۋدە.

“The Qazaq Times”