يەمەن ساۋد ارابياسىنا قاراتا زىمىران اتتى

يەمەن ساۋد ارابياسىنا قاراتا زىمىران اتتى – دەپ حابارلايدى Press TV تەلەارناسى.

تەلەارنا مالىمەتىنشە، زىمىران ساۋد ارابياسىنىڭ وڭتۇستىك-باتىسىنداعى دجيزان اۋدانىنا قاراتا اتىلعان. جەرگىلىكتى بيلىك وكىلدەرى مەن قۇقىق قورعاۋ ورگاندارى زارداپ شەككەندەر مەن جاراقات العاندار جايىندا ەشقانداي رەسمي اقپارات تاراتپاعان.

بۇل يەمەننىڭ ساۋد ارابياسىنا قاراتا العاش زىمىران اتۋى ەمەس. بۇعان دەيىن يەمەن شىلدە ايىندا مەككە قالاسىن بالليستيكالىق زىمىرانمەن اتقىلاعان بولاتىن. ول كەزدە ساۋد ارابياسى اۋە قورعانىسى مەككە قالاسىنان بىرنەشە شاقىرىم جەردە شاھارعا باعىتتالعان يەمەن زىمىرانىن اتىپ تۇسىرگەن بولاتىن. ال مامىر ايىندا ساۋد ارابياسى اۋە قورعانىسى ەل استاناسى ەر-ريادقا باعىتتالعان زىمىراننىڭ كوزىن جويعان.

يەمەندە 2014 جىلدان بەرى ازامات سوعىسى بولىپ جاتىر. سوعىس يەمەننىڭ ەكس-پرەزيدەنتى ءالي ابداللا سالەحتى قولدايتىن «انسار-اللا» ۇيىمى مەن قازىرگى پرەزيدەنت ابد راببۋ مانسۋر حادي اسكەرى اراسىندا بولۋدا. بيلىك اسكەرىن وسى ۋاقىتقا دەيىن اۋە مەن جەردە ساۋد ارابياسى باستاعان اسكەري كواليتسيا قولداپ كەلەدى.

“The Qazaq Times”