وسلودا يادرولىق قارۋعا تىيىم سالۋ جونىندەگى حالىقارالىق كامپانيا (ICAN) بەيبىتشىلىك بويىنشا نوبەل سىيلىعىنىڭ لاۋرەتاتى اتاندى. بۇل پرەميا بەيبىتشىلىكتىڭ نىعايۋىنا ىقپال ەتەتىن تۇلعالارعا بەرىلەدى.
"جۇلدە يادرولىق قارۋدى پايدالانۋ گۋمانيتارلىق زارداپتار الىپ كەلەتىنىنە نازار اۋدارعان جانە سول قارۋدى قولدانۋعا تىيىم سالۋ كەلىسىمىنە قول جەتكىزۋ ءۇشىن بار كۇش-جىگەرىن سالعاندارعا بەرىلەدى", - دەيدى نورۆەگياداعى نوبەل كوميتەتىنىڭ توراعاسى بەريت رايسس-اندەرسەن.
كوميتەتتىڭ مالىمەتىنشە، قازىرگى كەزدە يادرولىق قارۋدى پايدالانۋ ىقتيمالى جوعارى بولىپ وتىر.
"كەيبىر مەملەكەتتەر يادرو ارسەنالدارىن جاڭعىرتىپ جاتىر، ياعني ولار اتوم قارۋىن پايدالانعىلارى كەلەدى. مىسالى ءبىر عانا سولتۇستىك كورەيانىڭ ءوزى وسىنداي ارەكەت جاساپ وتىر", - دەپ ءتۇسىندىردى كوميتەت باسشىلىعى.
ICAN - يادرولىق قارۋعا تىيىم سالۋدى قولدايتىن 100-دەن استام مەملەكەتتىڭ ۇكىمەتتىك ەمەس ۇيىمدارىنىڭ كواليتسياسى. ول 2007 جىلى قۇرىلعان. قازىرگى كەزدە 101 ەلدە 468 سەرىكتەس ۇيىمى بار. باس كەڭسەسى شۆەيتساريانىڭ جەنەۆا قالاسىندا ورنالاسقان.
بيىل بەيبىتشىلىك سىيلىعىنا 318 ۇيىم ۇمىتكەر بولىپ، ونىڭ 103-ءى ۇسىنىلدى. ال، 2016 جىلى بەيبىتشىلىك نوبەل سىيلىعىن كولۋمبيا پرەزيدەنتى حۋان مانۋەل سانتوس العان.
ايتا كەتەيىك، بۇعان دەيىن ادەبيەت بويىنشا نوبەل سىيلىعىن تەگى جاپون بولعانىمەن، ۇلىبريتانيا ازاماتى كازۋو يشيگۋرو السا، حيميا سالاسى بويىنشا شۆەيتساريالىق جەك دۋبوچەت، اقش-تىڭ زەرتتەۋشىسى يوحيم فرەنك پەن ۇلىبريتانيانىڭ تۋماسى ريچارد حەندەرسون الدى
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى