فوتو: v-thailand.com

وسىدان ەكى كۇن بۇرىن اقش-تىڭ  لاس ۆەگاس قالاسىندا بولعان قارۋلى شابۋىل بار الەمنىڭ نازارىن وزىنە اۋداردى. كەيبىر ساراپشىلار "بۇل وقيعا اقش-تىڭ كەز كەلگەن ازاماتى سۋىق قارۋعا وڭاي قول جەتكىزە الۋى سالدارىنان بولىپ وتىر" دەپ ەسەپتەيدى. سەبەبى دونالد ترامپ قاعيداسى بويىنشا ەل ازاماتتارىنىڭ ءوزىن قوعاۋ ءۇشىن قارۋ الىپ جۇرۋگە مۇمكىندىگى بار. ال جاپونيادا كەرىسىنشە، قارۋ ساتىپ الۋ ءۇشىن ەمتيحان تاپسىراسىز. سوندىقتان دا بولار، بۇل ەلدە قارۋلى شابىلدار مۇلدە از كەزدەسەدى.

ەگەر ءسىز جاپونيادا مىلتىق ساتىپ العىڭىز كەلسە، شىدامدىلىقپەن، سابىرلىلىقپەن كۇتۋىڭىزگە تۋرا كەلەدى. اۋەلى كۇنى بويى ساباق تىڭدايسىز، سوسىن جازباشا ەمتيحان تاپسىراسىز، ەڭ سوڭىندا بارىپ مەرگەندىگىڭىزدى سىنايتىن سىناقتان وتەسىز، سىناقتان كەم دەگەندە 96 بال جيناۋىڭىز كەرەك.

بۇدان بولەك، اتالعان ەلدە رۋحاني جاقتان ساۋ-سالامات ەكەنىڭىز جانە ۋلى ءدارى-دارمەك تۇتىنباعانىڭىز، بۇرىن قىلمىستى بولعان-بولماعانىڭىز جان-جاقتىلى تەكسەرىلەدى. وعان دارىگەرلەر، ساقشىلار ارالاسادى. ودان كەيىن بارىپ تۋىسقاندارىڭىز بەن قىزمەتتەستەرىڭىزدى تەكسەرەدى. سونداي-اق، ساقشىلاردىڭ ۇستىڭىزگە قارۋ-جاراق جاسىرماعانىڭىزدى انىقتاۋ ءۇشىن تىنتۋگە قۇقىعى بار.

دۇكەندەر مەن ساۋدا بازارلارىندا قارۋ-جاراق ساتۋ شەكتەلگەن. جاپونياداعى 40 ايماقتا مىلتىق ساتاتىن دۇكەننىڭ جالپى سانى 3 تەن اسپاۋى كەرەك دەگەن ەرەجە بار. تاعى ءبىر قىزىعى، ءسىز وسى اينالدىرعان 3 دۇكەننەن بۇرىن ءبىر تال وق ساتىپ العان بولساڭىز، ەندى ەكىنشى وقتى ساتىپ الۋ ءۇشىن، مىندەتتى تۇردە الدىڭعى العان وقتىڭ اتىلعانىن دالەلدەپ، قابىن (جەزىن) تاپسىرۋىڭىز كەرەك. سوندا عانا ەكىنشى وق سىزگە بەرىلەدى. ياعني جاپونيادا اڭ اتاتىن وقتىڭ سانىن دا بيلىك باسىنداعى باسشى دا انىق ءبىلىپ وتىر دەگەن ءسوز.

مىلتىقتى، وقتى  ساقتاۋ ءۇشىن ساقشىلار سىزگە كومەكتەسەدى. ءار جىل سايىن وق پەن قارۋ تەكسەرىلىپ وتىرادى. ال 3 جىلدان سوڭ ارەڭ قولىڭىز جەتكەن مىلتىق پەن وق ۇكىمەتكە قايتا قايتارىلادى، رۇقسات كۋالىگىڭىز دە كۇشىن جويادى. تاعى دا مىلتىق العىڭىز كەلسە جوعارىدا ايتقان جولداردى قايتا باسىپ وتۋىڭىزگە تۋرا كەلەدى.

مىنە، وسىنداي تالاپتاردىڭ ارقاسىندا جاپونيادا حالىق بەيبىت ءومىر ءسۇرىپ وتىر.

ادىلەت احمەتۇلى

“The Qazaq Times”