«يسلام مەملەكەتى» لاڭكەستىك ۇيىمى رەسەيلىك ساربازداردى تۇتقىنعا الدى - دەپ حابارلايدى korrespondent.net اقپارات كوزى.

تەررورلىق ۇيىم تاراتقان مالىمەتتەر بويىنشا، رەسەيلىك ساربازدار ءسۇريانىڭ دەير-ەز-زور قالاسىندا تۇتقىنعا الىنعان. «يسلام مەملەكەتى» لاڭكەستىك ۇيىمىنا تيەسىلى Amaq اقپارات اگەنتتىگىنىڭ جاريالاعان ۆيدەوروليگىندە، وزدەرىن 1979 جىلى تۋعان زابولوتنىي رومان ۆاسيلەۆيچ جانە 1978 جىلعى سۋركانوۆ گريگوري ميحايلوۆيچ دەپ تانىستىرعان ەكى ادام بەينەلەنگەن. ۆيدەودا كورسەتىلگەن ادامداردىڭ سوزىنشە، ولار 22 قىركۇيەك كۇنى دەير-ەز-زور قالاسىن «يسلام مەملەكەتى» سودىرلارىنان ازات ەتۋ كەزىندە تۇتقىنعا تۇسكەن.

بىراق رەسەي قورعانىس مينيسترلىگى «يسلام مەملەكەتى» تاراتقان بۇل اقپاراتتىڭ شىندىققا جاناسپايتىنىن ايتقان. رف قورعانىس مينيسترلىگى ءباسپاسوز قىزمەتىنىڭ حابارلاۋىنشا، ءسۇريا اراب رەسپۋبليكاسىنداعى رەسەيلىك ساربازداردىڭ بارلىعى وزىنە تاپسىرىلعان مىندەتتەرىن ورىنداپ ءجۇر. ەشقانداي سارباز «يسلام مەملەكەتى» لاڭكەستىك ۇيىمىنا تۇتقىنعا تۇسپەگەن.

“The Qazaq Times”