فوتو: APF

يرلانديانىڭ Ryanair كومپانياسى قىركۇيەك ايىندا 11,8 ملن ادام اتالعان كومپانيانىڭ اۋە تاسىمالىن پايدالانعانىن، بۇل وتكەن جىلدىڭ ءدال وسىنداي كەزەڭىمەن سالىستىرعاندا 10 پايىزعا ارتقانىن حابارلادى. وسىدان بۇرىن Ryanair قىركۇيەك-قازان ايلارىندا مىڭداعان رەيستەرىن توقتاتاتىنىن جاريالاپ، بيلەت ساتىپ الىپ قويعان قانشاما ادامدى ابىگەرگە سالىپ ەدى. 

Ryanair كومپانياسى جولاۋشىلاردان كەشىرىم سۇراپ، ولاردىڭ 98 پايىزىنا اقشالارى قايتارىلعانىن نە باسقا رەيسكە ورىنمەن قامتاماسىز ەتىلگەندىگىن ايتتى. قالعان 2 پايىز جولاۋشىلار ءالى دە اۋە كومپانياسىمەن بايلانىسقا شىعىپ، ءوز مۇمكىندىكتەرى تۋرالى سۇراۋى كەرەك.

Ryanair كومپانياسى قىركۇيەك ايىنىڭ ورتاسىندا 2 مىڭ 100 رەيستىڭ بولمايتىنى تۋرالى حابارلاسا، اي سوڭىندا قىسقى ۋاقىتتا تاعى 18 مىڭ رەيس كەستەدەن تۇسەتىنىن جەتكىزگەن بولاتىن. بۇل شامامەن 800 مىڭ جولاۋشىنى قامتيدى.

“The Qazaq Times”