Ryanair اۋە كومپانياسىنىڭ يرلانديادان پولشاعا ۇشىپ بارا جاتقان رەيسى بەرلين اۋەجايىنا شۇعىل قوندى.

160 ادام مىنگەن ۇشاقتا جارىلعىش زات بار دەگەن حابار تاراعان. بەرلينگە قونعان سوڭ جۇك قاۋىپسىز جەرگە جەتكىزىلدى. تەكسەرىس ناتيجەسىندە جوعارىدا تاراتىلعان اقپاراتتىڭ جالعان ەكەنى انىقتالدى.

بۇل Ryanair كومپانياسى ۇشىراسقان العاشقى جاعداي ەمەس. 23 مامىردا بەلارۋس ارنايى قىزمەتى ليتۆاعا باعىت العان جولاۋشى ۇشاعىنا «بومبا قويىلدى» دەگەن حاباردى جەلەۋ ەتىپ، رومان پروتاسەۆيچ وتىرعان كوممەرتسيالىق ۇشاقتى مينسكىگە قونۋعا ماجبۇرلەدى. بورتتان بومبا تابىلمادى، ەسەسىنە بەلارۋس پوليتسياسى ۇشاقتا بولعان وپپوزيتسيالىق جۋرناليست، NEXTA Live Telegram ارناسىنىڭ نەگىزىن قالاۋشىلاردىڭ ءبىرى، جۋرناليست رومان پروتاسەۆيچتى تۇتقىندادى. ۇشاقتى بۇرۋعا بەلارۋس رەجيمىنىڭ باسىندا وتىرعان الەكساندر لۋكاشەنكونىڭ ءوزى بۇيرىق بەرگەن.

24 مامىردا بريۋسسەلدەگى كەزدەسۋدە ەۋروپا وداعىنا مۇشە 27 ەلدىڭ ليدەرلەرى بەلارۋس بيلىگىنە تاعى دا سانكتسيا سالۋعا كەلىستى. جيىندا ەو ليدەرلەرى وداققا مۇشە ەلدەردىڭ اۋە كومپانيالارىن بەلارۋس توبەسىنەن ۇشپاۋعا، بەلارۋستىڭ Belavia اۋە كومپانياسىن ەۋروپاعا كىرگىزبەۋگە شاقىرعان.

"The Qazaq Times"