Фото: APF

Ирландияның Ryanair компаниясы қыркүйек айында 11,8 млн адам аталған компанияның әуе тасымалын пайдаланғанын, бұл өткен жылдың дәл осындай кезеңімен салыстырғанда 10 пайызға артқанын хабарлады. Осыдан бұрын Ryanair қыркүйек-қазан айларында мыңдаған рейстерін тоқтататынын жариялап, билет сатып алып қойған қаншама адамды әбігерге салып еді. 

Ryanair компаниясы жолаушылардан кешірім сұрап, олардың 98 пайызына ақшалары қайтарылғанын не басқа рейске орынмен қамтамасыз етілгендігін айтты. Қалған 2 пайыз жолаушылар әлі де әуе компаниясымен байланысқа шығып, өз мүмкіндіктері туралы сұрауы керек.

Ryanair компаниясы қыркүйек айының ортасында 2 мың 100 рейстің болмайтыны туралы хабарласа, ай соңында қысқы уақытта тағы 18 мың рейс кестеден түсетінін жеткізген болатын. Бұл шамамен 800 мың жолаушыны қамтиды.

“The Qazaq Times”