فوتو: راديو ازاتتىق.

تاجىكستاندا ەل بويىنشا قاۋىپسىزدىك شارالارى كۇشەيتىلدى - دەپ حابارلايدى تاجىكستان ىشكى ىستەر مينيسترلىگىنىڭ ءباسپاسوز قىزمەتى.

راديو وزودي مالىمەتىنشە، ەل استاناسى دۋشانبە سىندى ءىرى قالالاردا قاۋىپسىزدىك شارالارى كۇشەيتىلگەن. دۋشانبە قالاسىنىڭ «حالىقتار دوستاستىعى» ورتالىق الاڭىنا ىشكى اسكەر، پوليتسيا  جانە اسكەري تەحنيكا كىرگىزىلگەن. شاھاردا ورنالاسقان ەلشىلىكتەر مەن ستاراتەگيالىق ماڭىزعا يە عيماراتتاردىڭ كۇزەتى ەكى ەسەگە كوبەيتىلگەن.

تاجىكستان ءىىم-نىڭ ءباسپاسوز حاتشىسى ۋماردجون ەموماليدىڭ سوزىنشە، دۋشەنبە قالاسىنا اسكەر كىرگىزۋدىڭ باستى سەبەبى قوعام تىنىشتىعىن ساقتاۋ مەن تەررورلىق شابۋىلداردىڭ الدىن الۋ. بىراق جەرگىلىكتى ساراپشىلار ءىىم-نىڭ تاراتقان بۇل مالىمدەمەسىنە سەنبەيدى. ولاردىڭ پىكىرىنشە، ەل بيلىگى حالىققا جالعان اقپارات تاراتىپ وتىر . تاجىكستاندىق بەلگىلى جۋرناليست الىشەر ءزاريفتىڭ ايتۋىنشا، تاجىكستان ىشكى ىستەر مينيسترلىگى مەن قورعانىس مينيسترلىگى بىرىگىپ دۋشانبە قالاسىندا كريمينالدى توپتارعا قارسى ارنايى وپەراتسيا وتكىزىپ جاتۋى مۇمكىن.

“The Qazaq Times”