جاپونيا پرەمەر-ءمينيسترى سينزو ابە.

جاپونيا پرەمەر-ءمينيسترى سينزو ابە ەل پارلامەنتىنىڭ تومەنگى پالاتاسى نە ءۇشىن مەرزىمىنەن بۇرىن تاراعانىن ءتۇسىندىردى.

سينزو ابەنىڭ جەرگىلىكتى NHK تەلەارناسىنا بەرگەن سۇحباتىندا پارلامەنتتىڭ تومەنگى پالاتاسىنىڭ مەرزىمىنەن بۇرىن تاراۋىن سولتۇستىك كورەيا تاراپىنان ءتونىپ تۇرعان قاۋىپپەن بايلانىستىرعان. ونىڭ سوزىنشە، قازان ايىنىڭ 22-ءى كۇنىنە بەلگىلەنگەن پارلامەنت سايلاۋى الداعى ۋاقىتتاعى جاپونيا قاۋىپسىزدىگى مەن بولاشاعىنا تىكەلەي اسەر ەتەتىن بولادى.

بىراق وپپوزيتسيا وكىلدەرى ابەنىڭ بۇل پىكىرىمەن كەلىسپەيدى. ولاردىڭ ويىنشا، سينزو ابە ەل پارلامەنتتىڭ تومەنگى پالاتاسىن ءوز قىلمىستارىن جاسىرۋ ءۇشىن تاراتىپ جىبەرگەن. اتاپ ايتقاندا ەل پرەمەرى پارلامەنتتى تاراتۋ ارقىلى ءوزىنىڭ «موريتومو گاكۋەن» جانە «كاكە گاكۋەن» ءبىلىم وردالارىندا بولعان قارجى بىلىعىنا قاتىسىن تەكسەرۋسىز قالدىرعان.

“The Qazaq Times”