Жапония Премьер-министрі Синзо Абэ.

Жапония премьер-министрі Синзо Абэ ел парламентінің төменгі палатасы не үшін мерзімінен бұрын тарағанын түсіндірді.

Синзо Абэнің жергілікті NHK телеарнасына берген сұхбатында парламенттің төменгі палатасының мерзімінен бұрын тарауын Солтүстік Корея тарапынан төніп тұрған қауіппен байланыстырған. Оның сөзінше, қазан айының 22-і күніне белгіленген парламент сайлауы алдағы уақыттағы Жапония қауіпсіздігі мен болашағына тікелей әсер ететін болады.

Бірақ оппозиция өкілдері Абэнің бұл пікірімен келіспейді. Олардың ойынша, Синзо Абэ ел парламенттің төменгі палатасын өз қылмыстарын жасыру үшін таратып жіберген. Атап айтқанда ел премьері парламентті тарату арқылы өзінің «Моритомо Гакуэн» және «Какэ Гакуэн» білім ордаларында болған қаржы былығына қатысын тексерусіз қалдырған.

“The Qazaq Times”