گرۋزيادا كونستيتۋتسيا اۋىستى

گرۋزيا پارلامەنتى ەلدىڭ جاڭا كونستيتۋتسياسىن قابىلدادى - دەپ حابارلايدى ريا نوۆوستي ۋكراينا اقپارات اگەنتتىگى.

گرۋزيا كونستيتۋتسياسىنا ەنگىزىلگەن وزگەرتۋلەر مەن تولىقتىرۋلارعا بايلانىستى ەندى ەلدىڭ باسقارۋ فورماسى پارلامەنتتىك رەسپۋبليكاعا اۋىسادى. اتالمىش اتا زاڭدى قابىلداۋعا بايلانىستى ءۇشىنشى وقىلىمدا  گرۋزيا پارلامەنتىندەگى 117 دەپۋتات «ءيا» دەپ داۋىس بەرگەن. بۇل كونستيتۋتسيا ءوز كۇشىنە 2018 جىلى وتەتىن پرەزيدەنت سايلاۋىنان كەيىن ەنەتىن بولادى.

قازىرگى تاڭدا گرۋزيا پارلامەنتىندە 150 دەپۋتاتتىق ورىن بار. ونداعى ورىننىڭ باسىم كوپشىلىگىن «گرۋزيا ارمانى جانە گرۋزيا دەموكراتياسى» پارتياسى وكىلدەرى يەمدەنگەن. جاڭا كونستيتۋتسياعا داۋىس بەرۋ بارىسىندا پارلامەنتتەگى وپپوزيتسيالىق «بىرىككەن ۇلتتىق قوزعالىس» جانە «ەۋروپالىق گرۋزيا – بوستاندىق ءۇشىن قوزعالىس» پارتيالارىنىڭ وكىلدەرى بۇل وزگەرىستەرمەن كەلىسپەيتىندىكتەرىن ايتىپ، زالدان شىعىپ كەتكەن. ال «گرۋزيا پاتريوتتارى اليانسى» كونستيتۋتسياعا ەنگىزىلگەن وزگەرىستەر مەن تولىقتىرۋلارعا قارسى داۋىس بەرگەن.

“The Qazaq Times”