فوتو: ينتەرفاكس

قازاقستان قىتايعا جىبەرىلەتىن گاز تاسىمالى مەن ەكسپورتىن جىلىنا 100 ملرد كۋبعا جەتكىزبەك. بۇل تۋرالى استانادا ءوتىپ جاتقان ەنەرگەتيكانى باقىلاۋ جانە ينۆەستيتسيا جونىندەگى كونفەرەنتسيادا "قازترانسگاز" كومپانياسىنىڭ قايتا قۇرۋ جانە دامىتۋ جونىندەگى باس ديرەكتورىنىڭ ورىنباسارى ەرقانات تەمىرحانوۆ مالىمدەدى.

ء"بىز قىتايعا گاز تاسىمالى مەن ەكسپورتىن جىلىنا 100 ملرد كۋبقا، ءتىپتى ودان دا كوپ مولشەرگە جەتكىزگىمىز كەلەدى. قازىرگى كەزدە قىتاي تارابىنا 10 ملرد كۋب گازدى ەركىن جەتكىزە الامىز. وزبەكستان، تۇركىمەنستان جانە رەسەيمەن تىعىز جۇمىس ىستەپ جاتىرمىز", - دەدى ول.

ەندى كومپانيا جوسپاردى ورىنداۋ بويىنشا  جامبىل وبلىسىنداعى امانگەلدى گاز كەن ورنىن پايدالانباق.

ء"ىرى گاز ساقتايتىن ورىن رەتىندە "امانگەلدىگازدى" پايدالانۋ جوباسىن دايىنداپ جاتىرمىز. وزىمىزدە بار قۋات جەتكىلىكسىز بولىپ تۇر. سوندىقتان بىزگە وڭتۇستىكتەن گاز ساقتاۋ ورنى كەرەك", - دەدى ەرقانات تەمىرحانوۆ.

قازاقستان تابيعي شيكىزاتتاردى جەتكىزۋ بويىنشا الدىڭعى ەلدەر قاتارىندا. الايدا مۇناي-گاز ەكسپورتى جاقسى بولعانمەن، بۇل ەكونوميكا وسىمىنە ايتارلىقتاي اسەر ەتىپ وتىرعان جوق. مۇنىڭ باستى سەبەبى - قازاقستاندا شيكىزاتتى وڭدەۋ وشاقتارىنىڭ از بولۋى. شيكىزات وندىرىلەدى، الايدا ونى وڭدەۋ ورىندارى بولماعاندىقتان، مەملەكەت باسقا ەلدەردە وڭدەلگەن ءوز ءونىمىن قىمباتقا ساتىپ الۋعا ءماجبۇر.

“The Qazaq Times”