فوتو: 7bloggers.ru

قازاقستانداعى قوعامدىق كەڭەستەردىڭ جۇمىسىن وڭتايلى ۇيلەستىرۋ جانە ولاردىڭ قىزمەتى جونىندە حالىقتى ۋاقىتىلى اقپاراتتاندىرۋ ماقساتىندا kazkenes.kz سايتىنىڭ جاڭارتىلعان نۇسقاسى ىسكە قوسىلدى. ەندى اتالعان سايت رەسپۋبليكاداعى بارلىق قوعامدىق كەڭەستەردى بىرىكتىرەتىن بىرىڭعاي كورپوراتيۆتى الاڭعا اينالادى.

قازىرگى تاڭدا قوعامدىق كەڭەستەردىڭ جۇمىسى تۋرالى اقپارات  وڭىرلىك اكىمشىلىكتەر، ءماسليحاتتار مەن مەملەكەتتىك ورگانداردىڭ رەسمي سايتتارىندا جاريالانىپ كەلەدى. جۇرگىزىلگەن زەرتتەۋلەر بەرىلگەن ينتەرنەت رەسۋرستارداعى قوعامدىق كەڭەس قىزمەتى جونىندەگى اقپاراتتىڭ قارالۋ دەڭگەيىن ارتتىرۋعا باعىتتالعان جۇمىستاردى ۇيىمداستىرۋ قاجەتتىلىگىن دالەلدەدى. قازاقستاننىڭ ازاماتتىق اليانسىنىڭ ديرەكتورى ع.تۇزەلباەۆتىڭ ايتۋىنشا، ايماقتىق قوعامدىق كەڭەس قىزمەتىنىڭ تيىمدىلىگى، ولاردىڭ حالىق ءۇشىن قولجەتىمدى اقپاراتتىق رەسۋرستاردا جاريالانىمدار جاساۋ جيىلىگىمەن باعالانادى. سوندىقتان قوعامدىق كەڭەستەردىڭ حالىقپەن قارىم-قاتىناسىن نىعايتىپ،

سايتتاعى جاڭاشىلدىقتىڭ تاعى ءبىرى – «سۇراق-جاۋاپ» ايدارى. اتالعان ايدارعا كەز كەلگەن ازامات ءوزىن تولعاندىرعان ساۋالى مەن وتىنىشتەرىن جولداي الادى. سايت مودەراتورى ساۋالدىڭ بارلىق تالاپتارعا ساي جولدانعانىن تەكسەرىپ، جاريالايدى. ەگەر سۇراق فورماسى بەلگىلەنگەن ەرەجەلەرگە قايشى كەلسە، مودەراتور ازاماتتىڭ ۇسىنعان اقپاراتى نەگە جاريالانبايتىنى جونىندە تۇسىندىرمە حات الادى.

قوعامدىق كەڭەستەر – بۇل مەملەكەتتىك ورگانداردان، كوممەرتسيالىق ەمەس ۇيىمداردان جانە ازاماتتاردان قۇرالعان كونسۋلتاتيۆتىك-كەڭەستىك جانە باقىلاۋشى ورگان. كەڭەس ماقساتى قوعامدىق ماڭىزدى ماسەلەلەر بويىنشا ازاماتتىق قوعامنىڭ پىكىرىن ءبىلدرۋ.

 “The Qazaq Times”