اقش، جاپونيا جانە ءۇندىستان ۇلى ىنتىماقتاستىق ورناتپاق

ءبىر كۇن بۇرىن، جاپونيا سىرتقى ىستەر ءمينيسترى كونو تارو، اقش مەملەكەتتىك حاتشىسى رەكس تيللەرسون، ءۇندىستان سىرتقى ىستەر ءمينيسترى سۋشيما سۆارادجا نيۋ-يوركتە كەزدەسىپ، كەڭەس وتكىزدى. ءۇش تاراپ ءۇندى مۇحيتىنداعى تىنىق مۇحيت ايماعىنداعى كەيبىر «نەگىزگى ستراتەگيالىق پورتتاردا» ينفراقۇرىلىمدىق ىنتىماقتاستىقتى جۇزەگە اسىرۋ تۋرالى شەشىم قابىلدادى جانە تەڭىز قاۋىپسىزدىگى سالاسىنداعى ىنتىماقتاستىقتى نىعايتۋعا كەلىستى. بۇل تۋرالى «شينحۋا» اگەنتتىگى حابارلادى.

جاپونيانىڭ «Kyodo News» باسىلىمىندا سۇحبات بەرگەن جاپونيا ءسىم باسشىسى كونو تارو: «جاپونيا، اقش جانە ءۇندىستان اراسىنداعى ەركىن ءارى اشىق ءۇندى-تىنىق مۇحيتى ايماعىن قۇرۋ ءۇشىن ىنتىماقتاستىقتى نىعايتاتىن كەز كەلدى»، – دەگەن پىكىرىن بىلدىرگەن.

ءۇش جاقتى شەشىم اتالعان ەكى مۇحيتتىڭ ماڭىزدى ستراتەگيالىق ۇستانىمدارى بار جاعالاۋداعى ەلدەرگە كومەك كورسەتۋ ءۇشىن، ينفراقۇرىلىمدىق ينۆەستيتسيالار ارقىلى وسى ايماقتاعى بايلانىستاردى نىعايتادى دەپ جوسپارلانعان.

جاپون ۇكىمەتىنىڭ لاۋازىمدىسىنىڭ ءبىرى، ءۇش ەل اراسىنداعى كەڭەستە ناقتى الەۋەتكە يە پورتتار تۋرالى تالقىلانعانىن ايتتى، الايدا، ناقتى تاقىرىپتاردى اشىپ ايتپاعان. كەلىسسوزدەر بارىسىندا امەريكا قۇراما شتاتتارى مەن ءۇندىستان جاپونيانى «مارافون» تەڭىز بىرلەسكەن اسكەري جاتتىعۋعا تۇراقتى قاتىسۋشىسى رەتىندە قارسى الدى. ءۇندىستان تارابى ءۇندى مۇحيتىنداعى قاۋىپسىزدىك سالاسىنداعى ىنتىماقتاستىقتى ودان ءارى نىعايتۋعا كەلىستى. تاراپتار ءۇشىنشى كۇنى كورەي تۇبەگى يادرولىق ماسەلەسى بويىنشا پىكىر الماستى.

“The Qazaq Times”