ميانما باسشىسى اۋنگ سان سۋ چجي روحيندجا مۇسىلماندارىنىڭ قۇقىعى اياق استى بولعانى جايىندا ايتتى – دەپ حابارلايدى نەمىس تولقىنى اقپارات اگەنتتىگى.

وسى ۋاقىتقا دەيىن ميانما مۇسىلماندارىنا جاسالىپ كەلگەن قىسىمعا ۇنسىزدىك تانىتىپ كەلگەن اۋنگ سان سۋ چجي بۇگىن جەرگىلىكتى تەلەارنالاردىڭ بىرىنەن ەل حالقىنا ۇندەۋ جولدادى. ول وندا راكحاين شاتاتىندا روحيندجا مۇسىلماندارىنا جاسالعان وزبىرلىقتى قاتاڭ سىنعا الىپ، الداعى ۋاقىتتا بۇل ىسكە قاتىسى بار ادامداردىڭ بارلىعىن زاڭ بويىنشا جازالايتىنىن جانە بولعان وقيعانى زەرتتەۋ ءۇشىن ەلگە حالىقارالىق باقىلاۋشىلاردى كىرگىزەتىنىن ايتقان.

بۇدان بولەك ول الەم جۇرتشىلىعىن سابىرلىققا شاقىرىپ، ميانماداعى جاعدايدلارعا تۇسىنستىكپەن قاراۋدى سۇراعان. اۋنگ سان سۋ چجي ءسوز سوڭىندا: «ءبىزدىڭ ەلدەگى دەموكراتيا وتە نازىك ونى ۇستاپ تۇرۋ ءۇشىن ءبىز كوپتەگەن كەدەرگىلەرگە تاپ بولامىز. بارلىعىمىز دا سوعىستى ەمەس بەيبىت ءومىر ءسۇرۋدى قالايمىز» - دەگەن.

“The Qazaq Times”