تمد ەلدەرىنە قاراعاندا قازاقستاندا كولەڭكەلى ەكونوميكا دەڭگەيى تومەن

قازاقستاندا كولەڭكەلى ەكونوميكا كولەمى بىرتىندەپ ازايىپ كەلەدى. ستاتيستيكا كوميتەتىنىڭ مالىمەتى بويىنشا، 2016 جىلى جالپى ىشكى ونىمدەگى باقىلانبايتىن ەكونوميكا ۇلەسى 25,8% بولعان. بۇل تۋرالى Finprom.kz اگەنتتىگى حابارلادى.

ال ودان بۇرىن، ياعني 2015 جىلى كولەڭكەلى ەكونوميكا ۇلەسى 27,5%، 2013 جىلى 28% بولعان.

تمد ەلدەرىنە قاراعاندا قازاقستاندا باقىلانبايتىن تاۋارلار ءوندىرىسى مەن قىزمەتتەردىڭ دەڭگەيى تومەن. سەرتيفيكاتتاۋشى بۋحگالتەرلەر قاۋىمداستىعىنىڭ (ACCA) مالىمەتى بويىنشا، رەسەيدەگى كولەڭكەلى ەكونوميكانىڭ ۇلەسى 39%، ۋكراينادا - 46%. ال ازەربايجاندا، ACCA ەسەپتەۋلەرىبويىنشا، ەكونوميكانىڭ 67% -دان استامى كولەڭكەدە جاتىر.

الايدا جاھاندىق ماسشتاب بويىنشا، قازاقستاندا كولەڭكەلى ەكونوميكانىڭ دەڭگەيى  (23%) جوعارى بولىپ وتىر.

اسىرەسە، قازاقستاندا كوتەرمە جانە بولشەك ساۋدامەن اينالىساتىن ساۋدا كاسىپورىندارى كولەڭەكەلى ەكونوميكادا ءجيى قالادى.  مىسالى 2016 جىلى قىزمەتتەردىڭ 9,2% -ى رەسمي تىركەلمەستەن جۇمىس ىستەگەن. ءبىر جىل بۇرىن بۇل ۇلەس 8,2% دەڭگەيىندە تومەن بولدى.

جىلجىمايتىن مۇلىك سالاسىنداعى كولەڭكەلى ەكونوميكانىڭ ۇلەسى  6,9%-دان 6,3%-عا دەيىن تومەندەگەن.

“The Qazaq Times”