قر پرەزيدەنتى نۇرسۇلتان نازارباەۆ. فوتو: Forbes.kz

"تسيفرلى قازاقستان" باعدارلاماسىنىڭ ەكونوميكالىق اسەرى بايقالمايدى، ال بۇل وعان قاراجاتتىڭ بوسقا جۇمسالىپ جاتقانىن كورسەتەدى. قر پرەزيدەنتى نۇرسۇلتان نازارباەۆ تسيفرلاندىرۋ بويىنشا وتكەن رەسپۋبليكالىق كەڭەستە وسىلاي مالىمدەدى. 

پرەزيدەنت تسيفرلاندىرۋ بۇل ماقسات ەمەس، ەكونوميكالىق وسىمگە قول جەتكىزۋدىڭ قۇرالى ەكەنىن اتاپ ءوتتى.

"مەن رەسەيدىڭ تسيفرلاندىرۋ باعدارلاماسى 2024 جىلعا قاراي ءجىو ءوسىمىن 5-6 تلرن رۋبلگە دەيىن جەتكىزەتىنىن بىلەمىن. ولار وسى ءۇشىن 1,5 ترلن رۋبل جۇمساعالى وتىر. ال ونى قايتارۋ 3-4 ەسە. ارينە بۇل ءوسىم ەمەس، بىراق بىرگە-ءبىر قوسىلادى. ال ءبىزدىڭ باعدارلاما جاساۋشىلار قانشا قايتارادى؟ ءبىز ەشتەمە ەستىمەدىك. 2021 جىلعا قاراي 251 ملرد تەڭگە جۇمسايمىز. قايتارىم قانداي؟ تسيفر جوق. ەگەر وسىلاي جۇمىس ىستەي بەرسەك اقشا جەلگە كەتەدى نەمەسە ۇرلانادى. سوندىقتان ماقساتىمىزدى انىقتاپ الايىق. ەگەر ءبىزدىڭ جاساۋشىلار باعدارلامانىڭ اسەرى قانداي بولاتىنىن جوسپارلاي الماسا، ولار ءبىزدىڭ دامۋىمىزدى تەجەگىسى كەلەدى دەپ ەسەپتەۋ كەرەك. مەن ناقتى ايتپايمىن، بىراق سولاي بولۋى مۇمكىن", - دەدى پرەزيدەنت.

سونداي-اق، ول تسيفرلاندىرۋ بويىنشا رەسەي جانە بەلارۋس ەلدەرىمەن ارنايى كوميسسيا قۇرۋ مۇمكىندىكتەرىن قاراستىرۋدى تاپسىردى.

"مەن ەاەو مۇشەلەرىن رەنجىتكىم كەلمەيدى، سوندىقتان تسيفرلاندىرۋ بويىنشا بىرىككەن كوميسسيا قۇرىپ ونى العا جىلجىتۋ كەرەك. ءتۇرلى تاجىريبە بار، ءبىز ولارمەن بولىسە الامىز، ماماندار بار. پرەزيدەنت جانىنان ارنايى كوميسسيا قۇرۋ كەرەك. پرەمەر-مينيستر مەن ونىڭ كەڭسەسى كوميسسيانىڭ جۇمىس ورگانى بولادى", - دەدى ول.

وسىلايشا پرەزيدەنت اتالعان باعدارلامانى وسى جىلدىڭ سوڭىنا دەيىن جاساپ شىعۋعا تاپسىرما بەرىپ، 2018 جىلدىڭ باسىنان باستاپ بۇل جۇمىستى ءوزى جەكە باقىلاپ وتىراتىنىن مالىمدەدى.

“The Qazaq Times”