كاسىپقوي بوكسشى قانات يسلام. فوتو: vesti.kz

قازاقستاندىق بوكسشى قانات يسلام كاسىپقوي بوكستا كانادالىق برەندون كۋكتى تەحنيكالىق نوكاۋتقا جىبەرىپ، جەڭىسكە جەتتى.

قانات يسلام جەكپە-جەكتىڭ ءبىرىنشى راۋندىنان-اق شيراق قيمىلدادى. كەزدەسۋدىڭ ءۇشىنشى راۋندىندا جويقىن سوققىلارىن ءدوپ تيگىزگەن جەرلەسىمىز كانادالىق بوكسشىنى نوكداۋنعا جىبەردى. ال بەسىنشى راۋندتا قانات يسلام قارسىلاسىن ەسەڭگىرەتتى. كانادالىق بوكسشى سەگىزىنشى راۋندتا ءۇشىنشى رەت نوكداۋنعا ءتۇستى. كەزدەسۋ اياقتالۋعا ءۇش راۋند قالعاندا قانات يسلام برەندون كۋكتتى نوكاۋتقا جىبەردى.

بۇل - قانات يسلامنىڭ كاسىپقوي بوكستاعى 25 كەزدەسۋى. ول كەزدەسۋلەردىڭ بارلىعىندا دا جەڭىسكە جەتكەن. 25 كەزدەسۋدىڭ 20 جەكپە-جەگى ۋاقىتىنان بۇرىن اياقتالعان.

برەندون كۋك تە تاجىريبەلى بوكسشى. ول بۇعان دەيىن كاسىپقوي الاڭدا 19 جەكپە-جەك وتكىزگەن. ونىڭ 11-ىندە قارسىلاستارىن نوكاۋتپەن جەڭگەن.

ايتا كەتەيىك، قانات يسلام مەن برەندون كۋكتىڭ جەكپە-جەگى استانادا «سارىارقا» ۆەلوترەگىندە ءوتتى.

“The Qazaq Times”