فوتو: Forbes

S&P رەيتينگ اگەنتتىگىنىڭ ءباسپاسوز حابارلاماسىنا سəيكەس، قازاقستاننىڭ رەيتينگى كەرى بولجامنان تۇراقتى بولجامعا جاقسارۋى ارقىلى " BBB-/A-3" دەڭگەيىندە بەكىتىلدى. بۇل تۋرالى قر ۇلتتىق ەكونوميكا مينيسترلىگىنىڭ ءباسپاسوز قىزمەتى حابارلادى.

"بولجامدى جاعىمدى جاققا قاراي قايتا قاراۋعا بىرقاتار فاكتورلار əسەر ەتتى، ولاردىڭ اراسىندا رەزيدەنتتەر دەپوزيتتەرى دوللارلانۋىنىڭ 2015 جىلدىڭ سوڭىنداعى 70 پايىزبەن سالىستىرعاندا 2017 جىلعى شىلدەدە 48 پايىزعا دەيىن كۇرت تومەندەۋىنىڭ ارقاسىندا اقشالاي-نەسيە ساياساتىنىڭ تيىمدىلىگىنىڭ ارتۋى بار. 2016 جىلدان باستاپ ەكونوميكاعا، ونىڭ ىشىندە نەگىزىنەن مۇناي-گاز سالاسىنا تىكەلەي شەتەلدىك ينۆەستيتسيالاردىڭ تۇراقتى كەلۋىن ەسەپكە الساق، S&P بۇدان سوڭ ايتارلىقتاي سىرتقى مىندەتتەمەلەردى بولاشاقتاعى قارجىنىڭ جىلىستاۋى رەتىندە قاراستىرمايدى", - دەلىنگەن ءباسپاسوز حابارلاماسىندا.

مينيسترلىك حابارلاماسىندا بۇدان باسقا، قازاقستان S&P باعالاۋى بويىنشا 2017 جىلى قارىزدىق جۇكتەمەنىڭ ءجىو-گە 17 پايىز شاماسىنداعى تومەن دەڭگەيىندەگى تازا نەسيەلەر پوزيتسياسىن ساقتاپ قالعانى ايتىلعان. تاراتىلعان اقپارات بويىنشا، بۇل 2017 جىلدىڭ سوڭىنداعى ۇلتتىق قور اكتيۆتەرىنىڭ ءجىو-گە 40% -دىق ايتارلىقتاي كولەمىن ەسەپكە الا وتىرىپ، بولاشاقتا قوسىمشا قارىز بەرۋدىڭ جوعارى قابىلەتتىلىگىن قامتاماسىز ەتۋگە مۇمكىندىك بەرەدى. S&P بولجامدىق دەرەكتەرى بويىنشا، جاڭا سالىق كودەكسى دە بيۋدجەتكە تۇسىمدەردىڭ ۇلعايۋىنا مۇمكىندىك بەرمەك.

"قازاقستان ءۇشىن وڭ نەسيە رەيتينگى ءبىزدىڭ ەلىمىزدەن تىس قارجىعا قول جەتكىزۋ مۇمكىندىگىن بەرەتىنىن اتاپ ايتۋ قاجەت، ياعني ءبىزدىڭ نەسيەلىك رەيتينگ جوعارى بولعان سايىن سىرتقى نارىقتاعى قارىز شارتى دا جاقسى بولا تۇسەدى. وڭ نەسيەلىك رەيتينگ قازاقستانعا تىكەلەي شەتەلدىك ينۆەستيتسيالاردىڭ كەلۋىنە دە ىقپال ەتەدى", - دەلىنگەن حابارلامادا.

دەگەنمەن بۇدان "قازاقستان قارىز الۋدى قايتا كوبەيتە تۇسە مە؟" دەگەن سۇراق تۋىندايدى. ونسىزدا قارىزى كوپ ەلدىڭ رەيتينگى كوتەرىلگەنى جاقسى بولعانمەن، سىرتقا بورىشكەر بولۋدىڭ اۋىرتپالىعى زور ەكەنىن ەسكەرۋىمىز قاجەت.

“The Qazaq Times”